سه‌رۆكی دیوانی سەرۆکایەتی ئه‌نجوومه‌نی وه‌زیران رایگەیاند، شاندی حکومەتی هەرێمی کوردستان و کۆمپانیا نەوتییەکان گەیشتنە بەغداد
ئومێد سه‌باح، سه‌رۆكی دیوانی سەرۆکایەتی ئه‌نجوومه‌نی وه‌زیران لە هەژماری تایبەتی خۆی لە تۆڕی کۆمەڵایەتی فەیسبووک بڵاویکردووەتەوە، ئەمڕۆ شەممە ٨ی حوزەیرانی ٢٠٢٤، شاندی حکومەتی هەرێمی کوردستان و کۆمپانیا نەوتییەکان لەسەر بانگهێشتی وەزارەتی نەوتی عێراق بە سەردانێکی فەرمی گەیشتنە بەغدا.
دەشڵێت:”ئامانج لە سەردانی شاندی حکومەتی هەرێم و کۆمپانیا نەوتییەکان بۆ بەغدا بەیەکەوە و کۆبوونەوەیان لەگەڵ وەزارەتی نەوتی عێراق بۆ زیاتر درێژەدانە بە گفتۆگۆکان لە نێوان حکومەتی هەرێم و حکومەتی عێراق و دانانی میکانیزمی چارەسەر بۆ دەستپێکردنەوەی پرۆسەی هەناردەکردنەوەی نەوتی هەرێم”.
