ئێمە لە تۆرە کۆمەڵایەتیەکان

جیهانی

یوڤانتۆس یه‌ک هه‌نگاوی ماوه‌ ‌بۆ یه‌کلایی کردنه‌وه‌ی دوو بۆندی گه‌وره‌  !

خه‌ڵک سپۆرت

ئیداره‌ی یانه‌ی یوڤانتۆس به‌رده‌وامه‌ له‌هه‌وڵه‌کانی بۆ توندوتۆڵکردنه‌وه‌ی پێکهاته‌ی یانه‌ و ته‌نها هه‌نگاوێکی ماوه‌ بۆندی دوو یاریزانی به‌توانا و ناودار یه‌کلایی بکاته‌وه‌.

لوچیانۆ مودجی به‌ڕێوه‌به‌ری وه‌رزشیی پێشوی “بیانکۆنێری” به‌ میدیاکانی ئیتاڵیای ڕاگه‌یاندووه‌، ئیداره‌ی خانمه‌ پیره‌که‌ زۆر نزیکن له‌ یه‌کلایی کردنه‌وه‌ی بۆندی هه‌ریه‌ک له‌ جواو کانسێلۆ و میلینکۆڤیچ ساڤیچ.

به‌پێی زانیارییه‌کانی ئه‌و که‌سایه‌تییه‌، جواو کانسێلۆی پورتوگالی به‌په‌رۆشه‌وه‌ چاوه‌ڕوانی بۆندی پێشکه‌شکراوی یوڤانتۆسی کردووه‌ و له‌ئێستادا به‌فه‌رمی ئیداره‌ی یانه‌ی ئینته‌رمیلانی ئاگادار کردۆته‌وه‌ که‌ چیتر ده‌یه‌وێت په‌یوه‌ندی به‌ پێکهاته‌ی خانمه‌ پیره‌که‌وه‌ بکات، به‌ڵام مه‌سه‌له‌ی گواستنه‌وه‌ی ساڤیچی سڕبی قورستره‌، چونکه‌ به‌رپرسانی یانه‌ی لازیۆ ئاماده‌نین به‌ که‌متر له‌ ١٠٠ ملیۆن یورۆ ده‌ستبه‌رداری گه‌وهه‌ره‌که‌یان بن، پێشتریش ڕێگریان له‌ یانه‌ی مانچسته‌ر یونایتد کرد بۆ گواستنه‌وه‌ی.

له‌م باره‌یه‌وه‌ “کالچیۆ میرکاتۆ” نوسیویه‌تی: مان یونایتدو یوڤانتۆس بۆ گواستنه‌وه‌ی ساڤیچ ده‌که‌ونه‌ ململانێیه‌کی قورسه‌وه‌، به‌ڵام له‌کۆتاییدا یوڤی گره‌وه‌که‌ ده‌باته‌وه‌.

جیهانی

به‌ڕێوه‌به‌ر کۆبونه‌وه‌ی به‌ یاریزانانی یونایتد کردووه‌ و ته‌نها دووانیان پاڵپشتی مۆرینیۆیان کردووه‌ !

خه‌ڵک سپۆرت

دوێنێ به‌فه‌رمی ئیداره‌ی یانه‌ی مانچسته‌ر یونایتد کۆتایی به‌ بۆندی جوزێ مۆرینیۆی پورتوگالی هێنا و له‌ پۆسته‌که‌ی دوورخرایه‌وه‌، ئه‌م بڕیاره‌ش‌ پێشوه‌خت له‌لایه‌ن ئید ودواردی به‌ڕێوه‌به‌ری جێبه‌جێکاره‌وه‌ کاری له‌سه‌رکراوه‌ و کتوپڕ نه‌بووه‌.

ڕۆژنامه‌ی “ده‌یلی میره‌ر”ی به‌ریتانی ئاشکرای کردووه‌، به‌ر له‌وه‌ی بڕیار له‌باره‌ی داهاتوی جوزێ مۆرینیۆ و پۆستی ڕاهێنه‌رایه‌تی یانه‌ی مانچسته‌ر یونایتده‌وه‌ بدرێت، ئید ودواردی به‌ڕێوه‌به‌ری جێبه‌جێکاری یانه‌که‌ کۆبونه‌وه‌ی له‌گه‌ڵ یاریزانان ئه‌نجامداوه‌ و ده‌رباره‌ی بارودۆخی یانه‌ و ئه‌نجامه‌کان پرسیاری ئاڕاسته‌ کردوون.

ئه‌وه‌ی سه‌یره‌، زۆرینه‌ی یاریزانانی یونایتد پاڵپشتی خۆیان بۆ بڕیاری دوورخستنه‌وه‌ی ده‌ربڕیوه‌ ته‌نها دوو یاریزان نه‌بێت که‌ به‌توندی دژی بڕیاره‌که‌ وه‌ستاونه‌ته‌وه‌، ئه‌وانیش نیمانیا ماتیچی سڕبی و ڕۆمێلۆ لوکاکۆی به‌لجیکی بوون.

ئه‌م زانیاریانه‌ش هاوکاتن له‌گه‌ڵ ده‌ستنیشان کردنی سۆڵسکایه‌ر بۆ پڕکردنه‌وه‌ی ئه‌و که‌لێنه‌ی به‌هۆی ڕۆیشتنی مۆرینیۆوه‌ دروست ده‌بێت.

بەردەوام بە لە خوێندنەوە

جیهانی

چی کردووه‌؟ مباپی گه‌یشته‌ (١٥٠) و ده‌ستکه‌وته‌کانی بۆ یاریزانێکی (١٩ ساڵ) سه‌رسوڕهێنه‌رن !

خه‌ڵک سپۆرت

کیلیان مباپێی فه‌ره‌نسی ئه‌ستێره‌ی یانه‌ی پاریس سانت جێرمان، شه‌وی ڕابردو به‌ ئه‌نجامی (٢ – ١) به‌رامبه‌ر یانه‌ی ئۆرلیان سه‌رکه‌وتنی به‌ده‌ست هێنا و گه‌یشته‌ قۆناغی چاره‌کی کۆتایی جامی فه‌ره‌نسا.

ڕۆژنامه‌ی “لیکیپ”ی فه‌ره‌نسی له‌م باره‌یه‌وه‌ پرسیار ده‌کات: ئایا مباپێ له‌و ته‌مه‌نه‌دا (١٩ ساڵ) چی کردووه‌ تا جێگه‌ی سه‌رسوڕمان بێت؟

وه‌ڵامه‌که‌ش ئاشکرایه‌، ئاسکه‌ نوێیه‌که‌ی فه‌ره‌نسا له‌ته‌مه‌نی (١٩) ساڵیدا توانی یاریی ژماره‌ (١٥٠) له‌مێژوویدا ئه‌نجام بدات، له‌و ماوه‌یه‌شدا (٧٣) گۆڵی تۆمار کردووه‌ و (٤١) گۆڵی بۆ هاوڕێکانی دروست کردووه‌، له‌وه‌ش زیاتر چه‌ندین نازناو و خه‌ڵاتی تاکه‌ که‌سی به‌ده‌ست هێناوه‌ له‌م نمونانه‌ی خواره‌وه‌:

  • باشترین یاریزانی لاوی خولی فه‌ره‌نسا
  • باشترین یاریزانی خولی فه‌ره‌نسا
  • باشترین یاریزانی لاوی جامی جیهانی ٢٠١٨
  • ناوی له‌ پێکهاته‌ی باشترینه‌کانی مۆندیالی ٢٠١٨دا هاتووه‌
  • خه‌ڵاتی “کۆپا – بالۆن دۆر” که‌ تایبه‌ته‌ به‌ باشترین یاریزانی لاوی جیهان

مباپێ له‌ ساڵی ٢٠١٧ دا چه‌ند نازناوێکی چنییه‌وه‌ له‌ نمونه‌ی خه‌ڵاته‌کانی باشترین و باشترین یاریزانی لاوی خولی فه‌ره‌نسا و خه‌ڵاتی لاوی ئاڵتونی.

ئایا ده‌ستکه‌وته‌کانی مباپێ سه‌رسوڕهێنه‌ر نییه‌؟

بەردەوام بە لە خوێندنەوە

جیهانی

ڕێکه‌وتێکی سه‌یر له‌ دوورخستنه‌وه‌ی مۆرینیۆدا هه‌یه‌ و هه‌مان شت سێباره‌ ده‌بێته‌وه‌ !

خه‌ڵک سپۆرت

پاش زنجیره‌یه‌ک ئه‌نجامی نه‌گونجاو، دوێنێ به‌فه‌رمی ئیداره‌ی یانه‌ی مانچسته‌ر یونایتد بڕیاری دوورخستنه‌وه‌ی جوزێ مۆرینیۆی ڕاهێنه‌ری دا و ئه‌م مه‌سه‌له‌یه‌ش له‌نێو میدیا جیهانیه‌کاندا سه‌دایه‌کی به‌هێزی دایه‌وه‌.

ڕۆژنامه‌ی “ئاس”ی ئیسپانی ڕێکه‌وتێکی سه‌یری به‌دی کردووه‌ و نوسیویه‌تی: یۆرگن کلۆپی ڕاهێنه‌ری یانه‌ی لیڤه‌رپوڵ نهێنی دوورخستنه‌وه‌کانی مۆرینیۆیه‌، به‌رده‌وام له‌دوای شکستهێنان به‌رامبه‌ر ڕاهێنه‌ره‌ ئه‌ڵمانیه‌که‌ مۆرینیۆ دوورده‌خرێته‌وه‌.

له‌ وه‌رزی ٢٠١٢/٢٠١٣ کاتێک مۆرینیۆ ڕاهێنه‌ری یانه‌ی ڕیاڵ مه‌درید بوو له‌ قۆناغه‌ پێشکه‌وتووه‌کانی چامپیۆنز لیگ به‌رامبه‌ر دۆرتمۆندی یۆرگن کلۆپ شکستی هێنا (قۆناغی نیوه‌ی کۆتایی ٤ به‌رامبه‌ر به‌ ١)، سه‌ره‌ڕای ئه‌وه‌ی یانه‌ی شاهانه‌ وه‌رزێک پێشتر بۆ ماوه‌ی سێ وه‌رز بۆندی ڕاهێنه‌ره‌ پورتوگالیه‌که‌ی نوێ کردبۆوه‌، به‌ڵام به‌هۆی ئه‌و ئه‌نجامه‌وه‌ بۆنده‌که‌یان هه‌ڵوه‌شانده‌وه‌ و ماڵئاواییان لێکرد.

له‌ وه‌رزی ٢٠١٥/٢٠١٦ ڕاهێنه‌ره‌ سپێشه‌ڵه‌که‌ وه‌رزێکی خراپی له‌گه‌ڵ چێڵسی به‌رێکرد و له‌ ١٧ی دیسێمبه‌ردا دوورخرایه‌وه‌، ئه‌وه‌ش دوای ئه‌وه‌ی به‌رامبه‌ر لیڤه‌رپوڵی کلۆپ به‌ ئه‌نجامی (٣ – ١) شکستی هێنا، له‌م وه‌رزه‌شدا سێباره‌ به‌رامبه‌ر لیڤه‌رپوڵی کلۆپ به‌ ئه‌نجامی (٣ – ١) شکستی هێنا و له‌ ١٨ی دیسێمبه‌ردا له‌ پۆستی ڕاهێنه‌رایه‌تی یونایتد دوورخرایه‌وه‌.

سه‌رباری هه‌موو ئه‌وانه‌ش، هه‌ریه‌ک له‌ پیپ گواردیۆلا و یۆرگن کلۆپ و ماوریسیۆ پۆچیتینۆی ڕاهێنه‌رانی مان سیتی و لیڤه‌رپوڵ و تۆتنهام خه‌مباری خۆیان به‌رامبه‌ر به‌ بڕیاری دوورخستنه‌وه‌ی ده‌ربڕی و ته‌ئکیدیان کرده‌وه‌، مۆو ڕاهێنه‌رێکی گه‌وره‌یه‌ و به‌هێزه‌وه‌ ده‌گه‌ڕێته‌وه‌.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 85%, 34
    34 85%
    34 - 85% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین