بەڕێوەبەرایەتی کەشناسی پێشبینی دەکات ئەمڕۆ و سبەینێ تاوەباران و هەورە بروسکە ناوچە جیاکانی هەرێمی کوردستان بگرێتەوە.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ دووشەممە، ئاسمان بەگشتى نیمچە هەور بۆ هەوری تەواو دەگۆڕێت لەکاتەکانی نیوەڕۆ تاوەباران و بروسکەی کورتمەودا ناوچەکانی پاڕێزگای دهۆک و ئیدارەی سەربەخۆی سۆران و ڕاپەرین ناوچەکانی باکووری پارێزگای سلێمانی دەگرێتەوە.
ڕوونیشیکردەوە کە تاوەبارانەکە لە ناوچە شاخاوییە سنوورییەکاندا زیاتر دەبێت و ئەگەری تۆز و خوڵێکی کەم هەیە.
سەبارەت بە سبەینێش ڕایگەیاند، لە دواى نیوەڕۆوە تاوەباران و هەورە تریشقەی کورت خایەن زۆربەی ناوچە شاخاوییەکان دەگرێتەوە.
کەشناسی ئەوەشیخستەڕوو کە لەکاتەکانی شەودا کاریگەری درێژ دەبێتەوە بۆ سەنتەری شارەکانی هەولێر و سلێمانی و دەوروپشتی شاری کەرکووکیش دەگرێتەوە.
بەرزترین پلەکانی گەرمای پێشبینیکراو بە پلەی سیلیزی
هەولێر : 34
سلێمانى: 30
دهۆک : 31
زاخۆ : 32
هەڵەبجە : 33
کەرکووک: 37
سۆران : 29
حاجی ئۆمەران: 20
گەرمیان : 37
