ئێمە لە تۆرە کۆمەڵایەتیەکان

عێراق

پارتی داوای پۆستێكی گرنگ دەكات بەرامبەر پۆستی سەرۆك كۆمار

خەڵك- بەشی هەواڵ

بەرپرسی لقی دووی پارتی دیموكراتی كوردستان، لە كەركوك رایگەیاند، كە پێدانی پۆستی سەرۆك كۆمار بە یەكێتی بەرامبەرە بە پۆستی پارێزگاری كەركوك بۆ پارتی.

محەمەد خورشید بەرپرسی لقی كەركوكی پارتی، بە دەنگی ئەمەریكای وتووە”ئەگەر كورد بە دەرئەنجامی گفتوگۆكانی نێوان هەولێر و بەغدا لەسەر پێكهێنانی حكومەت رازی بوو، ئەوكات بەرنامەی گەڕانەوە بۆ كەركوك دادەڕێژین.”

وتیشی”دەبێت گفتوگۆ بكرێت لەسەر گەڕانەوەی سەربەرزانەی كورد بۆ كەركوك و پێدانەوەی هەندێك لەدەسەڵاتەكانی لەو شارە.”

لەئێستادا بارەگای سەرەكی پارتی لەكەركوك هێزەكانی دژەتیرۆری عێراقی تێدایە، ماوەیەك لەمەوبەر دەنگۆی چۆڵكردنی بارەگاكە و گەڕانەوەی پارتی لەنێو كەركوكدا بڵاو بووەوە، بەڵام بەرپرسەكەی پارتی رەتیدەكاتەوە.

وتیشی”هێزەكانی دژەتیرۆر ئاڵوگۆڕی هێزیان كردبوو، بۆیە وابڵاوبووەوە گوایە بارەگاكە چۆڵ دەكەن و پارتی دەگەڕێتەوە، ئەگینا مەسەلە بنەمای نەبوو.”

سەبارەت بەپۆستی پارێزگاری كەركوك كە لەلایەن یەكێتییەوە تۆمەتبار دەكرێن بە تێكدانی یەكڕیزی كورد و شكستپێهێنانی هەوڵەكان بۆ وەرگرتنەوەی ئەو پۆستە، بەرپرسی لقی كەركوكی پارتی ئاماژەی بەوەكرد، یەكێتی لە حیزبە كوردییەكان دوور كەوتووەتەوە، گرەوی لەگەڵ عەرەب و توركمان كردووە بۆ وەرگرتنەوەی پۆستی پارێزگار، بەڵام گرەوەكەی دۆڕاندوە و مایەپوچ دەرچووە، یەكێتی یەكڕیزی نیشتیمانی تێكداوە، بۆیە لایەنە كوردییەكان ئامادەنین لەگەڵی دابنیشن، ئەمەش وایكردووە هەنگاو نان بۆ وەرگرتنەوەی پۆستی پارێزگار تەنها لەراگەیاندنەوە بێت.”

دەربارەی ئەو زانیارییانەی كە هەن گوایە پارتی پۆستی پارێزگاری كەركوكی بە پۆستی سەرۆك كۆماری عێراقەوە بەستووەتەوە، بەوەی ئەو دوو پۆستە یەكیان بۆ پارتی و ئەویتریان بۆ یەكێتی بێت، بەرپرسی لقی كەركوكی پارتی روونیكردەوە گفتوگۆی لەو شێوەیە لە ئارادایە، هەرچەندە پارتی زۆر خۆی بەپۆستەوە پابەند ناكات، بەڵكو ئەوەی بەلاوە گرنگە ئەو كەسانەی پۆستەكان بەڕێوەدەبەن تاچەند كوردانە كاردەكەن.

هەروەها وتیشی”گفتوگۆی ئەوە هەیە گەر پۆستی سەرۆك كۆمار بۆ لایەنێك بێت، دەبێت پۆستی پارێزگاری كەركوك و پۆستەكانی تر بۆ لایەنەكانی تر بن.”

عێراق

بەڤیدیۆ، عیراق چەند بەڵگەنامەیەكی داعشی تایبەت بە میسر ئاشكرا دەكات

خەڵك- بەشی هەواڵ
هێزە عیراقییەكان چەند بەڵگەنامەیەكی “مەترسیداری ڕێكخراوی داعش” كە پەیوەندییان بە پەلامارەكانی سینای میسرەوە هەیە، بە تایبەت بە نیمچە دوورگەی سینا، ئاشكرا دەكات.

بەڵگەنامەكان، چەند مێژوویەك لەخۆدەگرن، كە تێیدا ڕێكخراوی داعش، زریپۆشی سەربازی سوپای میسری لە سینا و ناوچەی كەرەم و قەواد، پێش سێ‌ ساڵ لە 19ی كانوونی یەكەمی 2015، تەقاندۆتەوە.

بەپێی بەڵگەنامەكان، ژمارەیەك بۆمبی چێنراو بە سەربازانی سوپای میسردا تەقێنراونەتەوە، كە لە بەڵگەنامەكاندا ڕێكخراوەكە بە “سوپای هەڵگەڕاوەی میسری” ناویان دەبات.

ناوچە جیاجیاكانی نیمچە دوورگەی سینا، هێرش و پەمار بەخۆوەدەبینن لە دژی سوپا و پۆلیس مەدەنییەكان، بەڵام لەم ماوەیەی دواییدا ئەو هێرش و پەلامارانە كەمبوونەوە، بەرپرسیارێتی زۆربەی هەرزۆری پەلامارەكانیش، لەلایەن گروپی (انصار بیت المقدس)ەوە ڕاگەیەندراوە، كە وەك (ولایەتی سینا) لە كۆتایی 2014دا بەیعەتی بۆ رێكخراوی “دەوڵی ئیسلامی” داعش، ڕاگەیاند.

بەردەوام بە لە خوێندنەوە

عێراق

دوای 7 ساڵ، بەرهەم ساڵح وەك یەكەم سەرۆكی وڵاتێكی عەرەبی سەردانی سوریا دەكات

خەڵك-بەشی هەواڵ

سەرۆك كۆماری عێراق لە ماوەیەكی نزیكدا سەردانی دیمەشقی پایتەختی سوریا دەكات.
سەرچاوەیەك كە نەیویستووە ناوی ئاشكرابكرێت بە ئاژانسى (سبوتنیك)ی راگەیاندووە، بەرهەم ساڵح سەرۆك كۆماری عێراق لە چەند رۆژی داهاتوودا بەشێوەیەكی فەرمی سەردانی دیمەشق دەكات.
سەبارەت بە ئەجێندای سەردان و كۆبونەوەكانی سەرۆك كۆماری عێراق، ئەو سەرچاوەیە هیچ زانیارییەكی دیكەی ئاشكرا نەكردووە، ئەمەش لەكاتێكدایە یەكشەممەی رابردوو سەرۆك كۆماری سودان لە سەردانێكیدا بۆ سوریا چاوی بە هاوتا سورییەكەی كەوت.
سەردانەكەی بەرهەم ساڵح بە یەكەم سەردانی سەرۆك كۆماری وڵاتانی عەرەبی دادەنرێت بۆ سوریا، لەو كاتەوەی كە شەڕی نێوخۆی سوریا لە ساڵی 2011 دەستی پێكردووە.

بەردەوام بە لە خوێندنەوە

عێراق

عیراق و ئێران کاروانێکی دیکەی تەرمی سەربازانیان گۆڕییەوە

خەڵک-

ئەمڕۆ بە سەرپەرشتیی ڕێکخراوی خاچی سووری نێودەوڵەتی، ئێران و عیراق لە خاڵی سنوریی زرباتییەوە تەرمی چەند سەربازێکی یەکتریان ئاڵوگۆڕ کرد کە لە جەنگی ئێران عیراق گیانیان لەدەستدابوو.

ئەمڕۆ سێشەممە 2018/12/18، لە خاڵی سنوریی زرباتییەی پارێزگای واست، بەسەرپەرشتیی ڕێکخراوی خاچی سووری نێودەوڵەتی، عیراق تەرمی 46 سەربازی ئێرانیی گەڕاندەوە و ئێرانیش تەرمی 4 سەربازی عیراقی ڕادەست کردەوە.

سەرجەمی ئەو سەربازانەی ھەردوو لا لە جەنگی نێوان ئێران و عیراق لە نێوان 1980 تا 1988 گیانیان لەدەستداوە.

تا ئێستا ئامارێکی ورد سەبارەت بە قوربانییەکانی جەنگی ھەشت ساڵەی نێوان ئەو دوو وڵاتە بەردەست نییە، بەڵام ئامارە ناڕەسمییەکان ئاماژە بە گیان لەدەستدانی زیاتر لە 1 ملیۆن و برینداربوونی 3 مەلیۆن کەسی دیکە دەکەن لەو جەنگەدا.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 85%, 34
    34 85%
    34 - 85% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین