خاوەنی كۆمپانیایەكی تایبەت بە حەج و عومرە ڕایدەگەیەنێت، هەر كۆمپانیایەك كار بە ڤیزای زیارەتی كەسی و گەشتیاری بكات بۆ حەج تووشی سزا دەبێت و دەشڵێت: ناتوانین بەم شێوازە گەشتی حەج بە هیچ هاووڵاتیەک بکەین”.
حاجی كەیوان یاسین، خاوەنی كۆمپانیای كەیوان یاسین بۆ حەج و عومرە بۆ (خەڵك) ڕایگەیاند، حاجیان و عومرەکان ئاگادار دەكەینەوە، كە بۆ حەج و عومرە لەسەر ڕێنمایی بەڕێوبەرایەتی گشتی حەج و عومرە کوردستان هەر کۆمپانیایەک بەم ڤیزانە کاربکات ئەوا تووشی سزا دەبێت.
ڕاشیگەیاند، ڕۆژانە لە رێگەی پەیج و تەلەفۆن و سەردانکردنیان پەیوەندیمان پێوە دەکەن و پرسیاری ئەو جۆرە ڤیزا و حەجەمان لێ دەکەن و چەندین حاڵەتیش هەبووە، کە بەداخەوە کەسانێك (پاسپۆرت) لەهاووڵاتیان وەردەگرن بۆ ئەو جۆرە ڤیزا و حەج کردنە.
جەختیشی كردەوە، هەموولایەک ئاگادار دەکەینەوە ئێمە وەکو کۆپانیاکەمان ناتوانین بەم شێوازە گەشتی حەج بە هیچ هاووڵاتیەک بکەین.
