![](https://xelk.org/wp-content/uploads/2024/03/awincity2.png)
بەڕێوەبەرایەتی کەشناسی هەرێم لەبارەی کەشوهەوای ڕۆژانی ئایندەوە ڕایگەیاند، لە دوو ڕۆژی ئایندەدا پلەی گەرما بەرزدەبێتەوە و لە گەرمیان دەگاتە 37 پلەی سیلیزی.
بەڕێوەبەرایەتی گشتیی کەشناسیی و بوومەلەرزەزانی هەرێم بڵاویکردەوە، ئەمڕۆ و سبەی ئاسمان لە نێوان ساماڵ و پەڵەهەوردا دەبێت، پلەکانی گەرمی بەرزبوونەوە بەخۆیانەوە دەبینن، سبەینێ لە زۆرینەی ناوچەکانی هەرێم بەرزترین پلەی گەرمی پێشبینیکراو دەگاتە سەروو 30 پلەی سیلیزی.
لە ڕاگەیەندراوەکەی کەشناسیشدا هاتووە، ئەمڕۆ چوارشەممە ئاسمان ساماڵ دەبێت و پلەی گەرمی بەرزدەبێتەوە بە 1-2 پلە بە بەراورد بە تۆمارکراوەکانی دوێنێ.
لەبارەی کەشوهەوای سبەینێ پێنجشەممەوە دەڵێت، ئاسمان ساماڵ و پەڵەهەور دەبێت و پلەی گەرمی کەمێک بەرزدەبێتەوە بەراورد بە تۆمارکراوەکانی ئەمرۆ .
بەرزترین پلەی گەرما لە گەرمیان دەبێت و دەگاتە 37 پلەی سیلیزی، نزمترین پلەی گەرماش 20 پلەی سیلیزی دەبێت و لە حاجی ئۆمەران تۆمار دەکرێت.
بەرزترین پلەکانی گەرمای پێشبینیکراو بە پلەی سیلیزی
هەولێر: 32
سلێمانی: 29
دهۆک : 30
زاخۆ: 31
هەڵەبجە: 30
کەرکوک: 35
سۆران: 29
حاجی ئۆمەران: 20
گەرمیان: 37