27 کۆچبەر لە دەریای ئیجەدا ڕزگارکران کە هەوڵیاندابوو بە شێوەیەکی نایاسایی بەرەو ئەوروپا کۆچ بکەن.
ئەمڕۆ سێشەممە، هێزەکانی پاراستنی کەناراوەکانی تورکیا 27 کۆچبەری نایاساییان لە کەناراوەکانی ئیزمیری ڕۆژئاوای تورکیا ڕزگارکرد کە لەسەر بەلەمێکی چووپ بوون.
کۆچبەرەکان لە کاتی هەوڵدانیان بۆ کۆچکردن بەرەو ئەوروپا بە هۆی لەکارکەوتنی بزوێنەری بەلەمەکەیانەوە لە دەریای ئیجەدا گیریانخواردبوو.
میدیای تورکیا بڵاویکردەوە لە نێو کۆچبەرەکاندا 12 منداڵ هەیە، بەڵام ناسنامەیان ئاشکرا نەکراوە.
