ئێمە لە تۆرە کۆمەڵایەتیەکان

جیهانی

(به‌وێنه‌) هانده‌رانی لیسته‌ر به‌رده‌م یاریگای “کینگ پاوه‌ر”یان بۆ سه‌رۆکه‌ کۆچکردووه‌که‌یان ڕوپۆش کردووه‌ !

خه‌ڵک سپۆرت

هانده‌رانی یانه‌ی لیسته‌ر سیتی ئه‌وپه‌ڕی ڕێز و وه‌فایان بۆ ڤیچای سریڤادهاناپرابای سه‌رۆکی کۆچکردوی یانه‌که‌یان نیشانداوه‌ و له‌ماوه‌ی ئه‌م هه‌فته‌یه‌دا هه‌زاران تاجه‌ گوڵینه‌ و یادگارییان له‌به‌رده‌م یاریگای یانه‌که‌دا بۆ ڕاخستووه‌.

ڕۆژنامه‌ی “ده‌یلی مه‌یڵ” ئاشکرای کردووه‌، به‌رده‌وام هانده‌رانی یانه‌ی لیسته‌ر سیتی و له‌ماوه‌ی یه‌ک هه‌فته‌ی ته‌واودا هه‌موو ڕۆژێک چونه‌ته‌ به‌رده‌م یاریگای “کینگ پاوه‌ر”، ئه‌وه‌ش وه‌ک ڕێزگرتنێک له‌سه‌رۆکه‌ کۆچکردووه‌که‌یان که‌ به‌هۆی ڕووداوی که‌وتنه‌ خواره‌وه‌ی فڕۆکه‌وه‌ گیانی له‌ده‌ستدا.

وه‌ک له‌وێنه‌کاندا دیاره‌، چه‌ند سه‌د مه‌ترێکی به‌رده‌م یاریگا به‌ تاجه‌ گوڵینه‌ و یادگاری هانده‌ران و درێسی یانه‌ ڕوپۆش کراوه‌، ده‌سته‌ی کارگێڕی یانه‌ داوایان کردووه‌ ئه‌و یادگارییانه‌ لانه‌برێت و به‌وهۆیه‌وه‌ به‌رده‌م یاریگای “کینگ پاوه‌ر” پڕبووه‌ له‌ درێس و تاجه‌ گوڵینه‌ و ڕێڕه‌وی چونه‌ نێو یاریگا به‌ته‌واوی پڕبۆته‌وه‌.

ڤیچای سریڤادهاناپرابای سه‌رۆکی یانه‌ی لیسته‌ر سیتی له‌دوای ڕووبه‌ڕوبونه‌وه‌ی لیسته‌ر و وێستهام خۆی و دوو یاریده‌ده‌ر و دوو فڕۆکه‌وانی له‌به‌رده‌م یاریگای کینگ پاوه‌ر توشی ڕووداوی که‌وتنه‌ خواره‌وه‌ی فڕۆکه‌ بون و هه‌ر پێنج سه‌رنشینه‌که‌ گیانیان سپارد.

 

جیهانی

(خولی نه‌ته‌وه‌کانی ئه‌وروپا) خشته‌ و کاتی یارییه‌کانی ئه‌مڕۆ (سێشه‌ممه‌)

خه‌ڵک سپۆرت

ئه‌مڕۆ ململانێی هه‌ڵبژارده‌کانی ئه‌وروپا له‌ خولی نه‌ته‌وه‌کان (قۆناغی کۆمه‌ڵه‌کان – جه‌وله‌ی شه‌شه‌م) به‌رده‌وامی ده‌بێت، چه‌ندین رووبه‌ڕوبونه‌وه‌ی به‌هێز ئه‌نجام ده‌درێن، گرنگترینیان ئه‌مانه‌ن:

خولی نه‌ته‌وه‌کانی ئه‌وروپا

پورتوگال – پۆڵه‌ندا (١٠:٤٥)

سوید – ڕوسیا (١٠:٤٥)

سکۆتله‌ندا – ئیسرائیل (١٠:٤٥)

سڕبیا – لیتوانیا (١٠:٤٥)

مۆنتینیگرۆ – ڕۆمانیا (١٠:٤٥)

کۆسۆڤۆ – ئه‌زه‌ربیجان (١٠:٤٥)

ماڵته‌ – دورگه‌کانی فارۆ  (١٠:٤٥)

یارییه‌ دۆستانه‌کان

ئوسترالیا – لوبنان (١١:٣٠ نیوه‌ڕۆ)

ژاپۆن – قیرغستان (١:٢٠)

ئێران – ڤه‌نزوێلا (٦:٠٠)

عیراق – بۆلیڤیا (٧:٠٠)

تونس – مه‌غریب (٨:٠٠)

ئه‌فریقای باشور – پاراگوای (٨:٠٠)

ئوردن – سعودیه‌ (٨:٠٠)

تورکیا – ئۆکرانیا (٨:٣٠)

ئه‌لبانیا – وێڵز (١٠:٠٠)

به‌رازیل – کامیرۆن (١٠:٣٠)

ئیتاڵیا – ئه‌مریکا (١٠:٤٥)

فه‌ره‌نسا – ئۆرۆگوای (١١:٠٠)

ئه‌رجه‌نتین – مه‌کسیک (٣:٠٠ به‌ره‌به‌یان)

چیللی – هندۆراس (٣:١٥ به‌ره‌به‌یان)

پیرۆ – کۆستاریکا (٣:٣٠ به‌ره‌به‌یان)

پانه‌ما – ئیکوادۆر (٤:٠٠ به‌ره‌به‌یان)

سلڤادۆر – هایتی (٤:٠٠ به‌ره‌به‌یان)

بەردەوام بە لە خوێندنەوە

جیهانی

(گالاکتیکۆسی نوێ) پێرێز ئه‌ستێره‌یه‌کی “فول کوالیتی” وه‌ک جێنشینی مۆدریچ ده‌ستنیشان کردووه‌ !

خه‌ڵک سپۆرت

فلۆرنتینۆ پێرێزی سه‌رۆکی یانه‌ی ڕیاڵ مه‌درید هیوایه‌کی ئه‌وتۆی به‌ لوکا مۆدریچی کرواتی نه‌ماوه‌ و بۆ شوێنگرتنه‌وه‌ی پلانی بۆ گواستنه‌وه‌یه‌کی گه‌وره‌ و هه‌ژێنه‌ر داڕشتووه‌.

پۆرتاڵی “دۆن بالۆن”ی ئیسپانی له‌زاری ئالبێرتۆ ڕامبلای ڕۆژنامه‌نوسی ناوداره‌وه‌ ئاشکرای کردووه‌، لوکا مۆدریچ به‌هۆی هه‌ڵکشانی ته‌مه‌نیه‌وه‌ (٣٣ ساڵ) توانا جه‌سته‌ییه‌کانی له‌ده‌ستداوه‌ و ئه‌وه‌ش به‌ڕونی له‌لایه‌ن ده‌سته‌ی هونه‌ری یانه‌ی شاهانه‌وه‌ هه‌ستی پێکراوه‌، هه‌روه‌ها یاریزانه‌که‌ له‌گواستنه‌وه‌کانی هاوینه‌ی ڕابردوه‌وه‌ هه‌وڵیداوه‌ په‌یوه‌ندی به‌ یانه‌ی ئینته‌رمیلانه‌وه‌ بکات و وه‌ک ده‌رده‌که‌وێت چیتر به‌ مانه‌وه‌ی له‌ڕیزه‌کانی شاهانه‌ خۆشحاڵ نه‌بێت.

سه‌رچاوه‌که‌ نوسیویه‌تی: ئیداره‌ی ڕیاڵ هیوایه‌کی ئه‌وتۆیان به‌ “لوکیتا” نه‌ماوه‌ و ده‌یانه‌وێت له‌ گواستنه‌وه‌کانی زستانه‌، یاخود هاوینه‌ی داهاتو بۆ ئینته‌رمیلان، یاخود یه‌کێک له‌ یانه‌ زه‌به‌لاحه‌کانی چین ده‌ستبه‌رداری بن، وه‌ک شوێنگره‌وه‌ش ناوێکی گه‌وره‌ی ئینگلزییان ده‌ستنیشان کردووه‌.

ئه‌و یاریزانه‌ی پێرێز و هاوه‌ڵانی ده‌یانه‌وێت جێگه‌ی مایسترۆ کرواتیه‌که‌ی پێبگرنه‌وه‌ “دیلی ئالی” ئه‌ستێره‌ی ئینگلیزی یانه‌ی تۆتنهامه‌، که‌ له‌ئێستادا یه‌کێکه‌ له‌ باشترینه‌کانی جیهان و ته‌مه‌نی ته‌نها ٢٢ ساڵه‌، ئه‌گه‌ر ته‌مه‌ن و ئاستی له‌به‌رچاو بگرین ئاشکرایه‌ بۆ ماوه‌ی پێنج تا شه‌ش ساڵی تر ده‌توانێت له‌نێو یاریگادا ئه‌سپی خۆی تاو بدات.

گواستنه‌وه‌ی دیلی ئالی ئاسان نابێت، دانێل لیڤی سه‌رۆکی “که‌ڵه‌شێره‌ ڕومیه‌کان” پێداگری له‌مانه‌وه‌ی ده‌کات و نرخی سه‌ره‌تایی ٨٠ ملیۆن پاوه‌نده‌، هه‌موو ئه‌گه‌ره‌کان به‌و ئاڕاسته‌یه‌ن ئه‌گه‌ر ڕیاڵ به‌فه‌رمی داوای بکات ئه‌وا نرخه‌که‌ی بۆ ١٠٠ ملیۆن پاوه‌ند به‌رز ده‌بێته‌وه‌.

بەردەوام بە لە خوێندنەوە

جیهانی

(کلاسیکۆی لێدان به‌ لێدان) ڕیاڵ و بارسا بۆ دوو لاوی به‌هره‌دار ئه‌مسه‌ر و ئه‌وسه‌ریان له‌یه‌کتری گرتووه‌ !

خه‌ڵک سپۆرت

ئیداره‌ی یانه‌ی به‌رشلۆنه‌ ئاماده‌کاری بۆ گواستنه‌وه‌ی ئه‌ستێره‌یه‌کی لاوی هۆڵه‌ندی ده‌کات و له‌بازاڕی گواستنه‌وه‌کاندا ناچارن به‌ره‌نگاری یانه‌ی ڕیاڵ مه‌درید ببنه‌وه‌.

پۆرتاڵی “دۆن بالۆن”ی ئیسپانی له‌زاری سه‌رچاوه‌کانیه‌وه‌ ئاشکرای کردووه‌، به‌رپرسانی یانه‌ی به‌رشلۆنه‌ جموجۆڵیان بۆ گواستنه‌وه‌ی ماتیاس دی لیختی هۆڵه‌ندی ئه‌ستێره‌ی هه‌ڵکشاوی یانه‌ی ئه‌یاکس ئه‌مسته‌ردام ده‌ست پێکردووه‌ و نزیکن ڕێکه‌وتنی سه‌ره‌تایی ئیمزا بکه‌ن، له‌به‌رامبه‌ردا فلۆرنتینۆ پێرێزی سه‌رۆکی یانه‌ی شاهانه‌ی مه‌درید هه‌مان یاریزانی خستۆته‌ ئه‌جێندای گواستنه‌وه‌کانی هاوینه‌وه‌ و ئه‌گه‌ر زۆره‌ له‌هه‌ر ئان و ساتێکدا تێهه‌ڵکێشی گفتوگۆکان ببێت له‌گه‌ڵ یانه‌ مێژووییه‌که‌ی هۆڵه‌ندا.

به‌پێی سه‌رچاوه‌که‌، ئه‌گه‌ر پێرێز ئه‌م هه‌نگاوه‌ بنێت ئه‌وا بارسا وه‌ک وه‌ڵامێک لێدان ئاڕاسته‌ی “مێره‌نگی” ده‌کات و پلانی (بی) به‌کار ده‌خه‌ن، پلانه‌که‌ش بریتیه‌ له‌ داواکردنی یاریزانی شوێنگره‌وه‌ که‌ بۆند داڤینسۆن سانچێزی کۆڵۆمبی به‌رگریکاری به‌توانای یانه‌ی تۆتنهامه‌، هۆکاره‌که‌ش زیاتر له‌ تۆڵه‌ سه‌ندنه‌وه‌ ده‌چێت به‌وپێیه‌ی ئه‌م ٢٢ ساڵه‌ کۆڵۆمبیه‌ له‌لایه‌ن یانه‌ی شاهانه‌وه‌ داواکراوه‌.

به‌پێی زانیارییه‌ سه‌ره‌تاییه‌کان، گواستنه‌وه‌ی سانچێزی کۆڵۆمبی له‌ له‌نده‌نه‌وه‌ بۆهه‌ر یانه‌یه‌کی تر زیاتر له‌ ٤٠ ملیۆن پاوه‌ندی تێده‌چێت، که‌ نزیکه‌ له‌ نرخی ماتیاس دی لیختی داواکراوی یه‌که‌مه‌وه‌.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین