سەرۆكی پارتی دیموكراتی كوردستان پێشوازی لە نەقیبی پارێزەرانی عێراق دەكات و جەخت لە پێویستیی بەڕێوەچوونی كاروباری دەوڵەت لەسەر بنەمای سەروەریی یاسا و سەربەخۆیی دامودەزگای قەزایی دەكەنەوە.
بارەگای بارزانی بڵاویكردەوە، ئەمڕۆ یەك شەممە 4ی شوباتی 2024 لە سەڵاحەددین، مەسعود بارزانی پێشوازی لە ئەحلام ئەللامی، نەقیبی پارێزەرانی عێراق و شاندێكی یاوەری كرد.
لەدیدارەكەدا بیروڕا لەبارەی بارودۆخ و تەحەددیاتی بەردەم عێراق ئاڵوگۆڕ كرا، هەروەها جەخت لە پێویستیی بەڕێوەچوونی كاروباری دەوڵەت لەسەر بنەمای سەروەریی یاسا و سەربەخۆیی دامودەزگای قەزایی كرایەوە.
لەبەشێكی تری ئەو دیدارەدا هەماهەنگیی نێوان حكومەتی هەرێم و حكومەتی عێراق لەپێناو گەیشتن بە تێگەیشتنی هاوبەش و سەقامگیریی خرایە بەر باس و گفتوگۆ.
