بە پێی ماڵپەڕی شەفافیەت، داهاتی نانەوتی ئەمڕۆ دوو شەممە لە پارێزگاکانی سلێمانی و هەڵەبجە و ئیدارەکانی گەرمیان و ڕاپەڕین زیاتر لە 2 ملیار دینار بووە و بەراورد بە دوێنێ یەك شەممە كەمی كردووە.
ماڵپەڕی شەفافیەت، كە لەلایەن جێگری سەرۆك وەزیرانی هەرێمی كوردستانەوە ڕایگەیاندووە، داهاتی ڕۆژانە و هەفتانە و مانگانەی نانەوتی فەرمانگەكانی سنووری سلێمانی و هەڵەبجە و گەرمیان و ڕاپەڕین بڵاودەكاتەوە.
بەپێی ماڵپەڕەكە، ئەمڕۆ داهاتی گەنجینەكان 2 ملیار و 133 ملیۆن و 556 هەزار و 352 دینار بووە.
ڕوونیشی كردۆتەوە، داهاتی ئەمڕۆ بەراورد بە دوێنێ یەك شەممە كەمی كردووە، كە 8 ملیار و 750 ملیۆن و 37 هەزار و 550 دینار بووە.
