وەزارەتی بازرگانی هەنگاو دەنێت بۆ دامەزراندنی نانەواخانەکان لە بەغدا ئەوەش وەک هەنگاوێک بۆ ئامادەکردنی سەمون بۆ هاوڵاتیان لەجیاتی ئارد بە بڕەپارەیەکی کەم، هاوکات کۆمەڵگەی نیشتەجێبوونی بیسمەیە یەکەم وێستگەی پڕۆژەکە دەبێت و لەحاڵەتی سەرکەوتنی پرۆژەکەدا بۆ پارێزگاکانی دیکە دەگوازرێتەوە.
تالیب حەسەن نەهمە، بەڕێوەبەری گشتی بەشی پلاندانان و بەدواداچوون لە وەزارەتی بازرگانی عێراق، لە بەیاننامەیەکدا بە ڕۆژنامەی “سەباح”ی ڕاگەیاندووە، گرنگترین ئەو بەرنامانەی کە لە ساڵی نوێدا دەست پێدەکرێن لە نێو پلانەکاندا کە سێ ئاڕاستە لەخۆ دەگرێت، کە مامناوەند و درێژخایەنن، جگە لە سێیەمیان کە بە درێژایی ساڵ جێبەجێ دەکرێن، گرنگترینیان پڕۆژەی دامەزراندنی فڕنە بەمەبەستی پێدانی سەمون لەبری ئارد بە خێزانەکان و هەر تاکێک مانگانە ١١٠ سەموونی لەبەرامبەر بڕەپارەیەکی کەم پێ دەدرێت.
ئاماژەی بەوەشکرد کە قۆناغی یەکەمی تاقیکردنەوە لە ناوچەی کەرخ لە کۆمەڵگەی نیشتەجێبوونی گەڕەکی سەلام دەستی پێکردووە و سەرکەوتوو بووە، وتیشی پڕۆژەکە لە کۆمەڵگەی نیشتەجێبوونی بیسمەیە دەست پێدەکات لە ماوەی داهاتوودا دوای تەواوبوونی لایەنە تەکنیکی و لۆجستییەکانی پڕۆژەکە و ڕێککەوتن لەگەڵ دەسەڵاتی بەکرێدانی دوکانی تایبەت بۆ فرۆشتنی سەمون و هەروەها پشتیوانیکردنی کۆمەڵەی نانەواخانەی نیشتمانی بۆ دابینکردنی نان.
ئەوەشیخستەڕوو، چەندین ڕێوشوێن هەیە بۆ گۆڕینی کلتووری پشتیوانی و هاوکارتیکردنی هاوڵاتیان، چونکە بەشێکی زۆری هاوڵاتیان ڕەتیان کردووەتەوە ئارد وەربگرن یان بە بریکارەکانیان فرۆشتووەتەوە بۆەیە بڕیاردراوە بە گۆڕینی ئارد بۆ سەموون و نان لە فۆڕمی ئەلیکترۆنی بەشەخۆراکدا و لەتەواوی پارێزگاکانی عێراقدا جێبەجێ دەکرێت.
