ئێمە لە تۆرە کۆمەڵایەتیەکان

ژینگە

كەشناسی: خۆڵبارین دەستپێدەكات
بەرگری شارستانی ڕێنمایی بۆ كاتی خۆڵبارین بڵاودەكاتەوە

خەڵك- بەشی هەواڵ
دوابەدوای ڕاگەیەنراوەكەی كەشناسی هەرێم بۆ دەستپێكردنی خۆڵبارین، بەرێوەبەرایەتی بەرگری شارستانی هەولێر ڕێنمایی خۆپاراستن لە خۆڵبارین بڵاودەكاتەوە و ڕایدەگەیەنێت، پێویستە لەو كاتەدا زۆر ئاو بخورێتەوە منداڵان و كەسە بەتەمەنەكان لەماڵ دەرنەچن.

بەڕێوەبەرایەتی گشتی كەشناسی و بوومەلەرزەزانی هەرێم لە ڕاگەیەنراوێكدا، ئاماژەی بەوەكردووە، شەپۆلێكی خۆڵبارین شاری دهۆك و دەوروبەری گرتۆتەوە مەودای بینین 100 مەترە لە لەگەڵ زیادبوونی خێرایی با هەروەها ئەو تۆز و خۆڵە لەهەندێ شوێنی هەولێریش بوونی هەیە هەروەها پێشبینی دەكەین كارگەری ئەو شەپۆلە بگاتە زۆربەی ناوچەكانی هەرێم.

لەوبارەیەوە، بەڕێوەبەرایەتی بەرگری شارستانی هەولێر لە ڕوونكردنەوەیەكدا، كە وێنەیەكی دەست (خەڵك) كەوتووە ڕایگەیاندووە، خۆڵبارین دیاردەیەكی سروشتی با كردەیە، لە ئەنجامی ڕاماڵینی هەوای خاك و هەڵواسرانی دەنكۆڵەكانی خاك یان پیسكەرە سروشتی و مرۆییەكان لە هەوادا بە بەرزی نزیكەی 1.5 كم لە ڕووی زەوییەوە ڕوو دەدات.

دەشڵێت: “لەكاتی ڕوودانی خۆڵبارین پێویستە ڕەچاوی چەند ڕێنماییەك بكرێت بۆ ئەوەی كاریگەریەكانی خۆڵبارین لەسەر مرۆڤ دروست نەبێت”.

داواشی كردووە، ئەم ڕێنماییانەی خوارەوە جێبەجێ‌ بكەن:
۱. زۆر خواردنەوەی ئاو، هەروەها پێویستە منداڵان و كەسە بەتەمەنەكان لەماڵ دەرنەچن بۆ ئەوەی كاریگەری خراپی لەسەر كۆئەندامی هەناسەدانیان دروست نەكات.
۲. باش داخستنی دەرگا و پەنجەرەی ماڵ، هەروەها لەكاتی هەستكردن بە تەنگەنەفەسی واباشترە دەمامك (كمامە) بەكاربهێنرێت.
۳. بۆ ئەو كەسانەی حەساسیەی پێست و سنگ و چاویان هەیە پێویستە خۆیان بە دوور بگرن لە چوونە دەرەوە، هەروەها بەكارهێنانی چاویلكەی ڕەشی تۆخ بۆ پارێزگاری كردن لە حەساسیەی چاوەكان.
٤. سەردانی كردنی دكتۆر لە كاتی تووشبوون بە هەر كێشەیەك لە كۆئەندامی هەناسەدان.

ژینگە

تیمی فڕۆكەوانی هاتوچۆی سلێمانی بۆ ئەگەری لافاو خرانە ئامادەباشییەوە

خەڵك- بەشی هەواڵ

بەهۆی ئەگەری دروست بوونی لافاو بەهۆی پێشبینی كردن بۆ بارانی بەهێز لە چەند رۆژی داهاتوودا، تیمەكانی فڕۆكەوانی بەڕێوەبەرایەتی هاتووچۆی سلێمانی لە ناوچەكانی كەلار و گەرمیان خرانە حاڵەتی ئامادەباشییەوە.

عمیدی فڕۆكەوانی هاتووچۆ حسێن فەیزوڵا، بە ماڵپەڕی هاتووچۆی سلێمانی ڕایگەیاندووە، تیمەكانیان لە ئێستادا لە سنووری ناوچەكانی كەلار و گەرمیاندان و ئامادەباشی تەواومان كردووە بۆ بەهاناوەچوونی هاوڵاتییان لەكاتی پێویستدا.

ئاماژەی بەوەشكردووە، كە تیمەكانیان لەو شوێنانە دەمێننەوە تا ئەو كاتەی تیمەكانی پۆلیسی بەرگری شارستانی پێویستیان پێیان بێت.

بەڕێوەبەرایەتی گشتی كەشناسی هەرێم لە ڕاگەیەنراوێكدا ئاماژەی بەوە كردووە، كە لە چەند ڕۆژی داهاتوودا شەپۆلێكی باران بارینی بەهێز ڕوو لە ناوچەكانی هەرێم دەكات.

بەردەوام بە لە خوێندنەوە

ژینگە

شەپۆلێكی بارانبارین دەستپێدەكات

خەڵك- بەشی هەواڵ
دەزگای كەشناسی عیراق، راپۆرتێك لەبارەی كەشوهەوای سێ‌ رۆژی داهاتوو بڵاودەكاتەوە و تێیدا تەكید لەسەر دەستپێكردنەوەی شەپۆلێكی بارانبارین و هەورەبروسكە لە تەواوی ناوچەكانی وڵاتدا دەكاتەوە.

دەزگای كەشناسی عیراق، لە بەیاننامەیەكیدا راگەیاندووە”وڵات لە سبەینێ‌ یەك شەممە، و تا سێ‌ رۆژی داهاتوو، دەكەوێتە ژێر پاڵەپەستۆیەكی هەواوە، ئەمەش بەهۆی یەكگرتنی دوو نزمە پاڵەپەستۆ كە یەكەمیان لە دەریای ناوەڕاست و ئەوی تر لە دەریای سوریاوە هەڵدەكەن”.

هەر لە بەیاننامەكەدا هاتووە”ناوچەی باكوور، لە شەودا هەور دەبێت و باران نمە نمە دەباربێت، دواتر تەوژمەكە روو لە ناوچەكانی خۆرئاوا دەكات و تەواوی ناوچەكانی باكوور دەگرێتەوە، لە رۆژی دوو شەممەشدا ئاستی بارانبارین لە شارەكانی سلێمانی و هەڵەبجە، لەنێوان مامناوەند و تونددا دەبێت، لەگەڵ بوونی هەورە بروسكە و بەفربارین لە ناوچە شاخاوییەكان، كاریگەریی ئەو تەوژمەش لە رۆژی سێ‌ شەممەدا كەمدەبێتەوە و روو لە ناوچەكانی خۆرهەڵات دەكات و لەو ناوچانەدا بارینی باران و بەرفر لە چیاكاندا بەردەوام دەبێت”.

بەردەوام بە لە خوێندنەوە

ژینگە

كەش و هەوای ئەمڕۆ و سبەی شارەكانی هەرێمی كوردستان

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم كەش و هەوای ئەمڕۆ و سبەینێی بڵاوكردەوە.

بەپێی پێشبینییەكانی كەشناسی هەرێم، ئەمڕۆ شەممە بەرزترین پلەی گەرما لە هەولێر 14 پلە و لە سلێمانی 12 پلە و لە دهۆك 13 پلەو لە كەركوكیش 16 پلە دەبێت‌و ئاسمانی سەرجەم شارەكانی هەرێمی كوردستانیش هەتاو دەبێت.

هەر بەپێی پێشبینییەكانی كەشناسی، سبەینێ یەك شەممە بەرزترین پلەی گەرما لە هەولێر 16 پلە و لە سلێمانی 14 پلەو لە دهۆك 15 پلەو لە كەركوكیش 17 پلە دەبێت و لە سەرجەم شارەكانی هەرێمی كوردستانیش هەور و هەتاو دەبێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 84%, 32
    32 84%
    32 - 84% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین