پزیشکی پسپۆڕ ئەندریە کوندراخین، هۆیەکانی ئازاری پشتی لە ژنان و پیاواندا دەستنیشان کردووە و دەڵێت، پێیوایە دروستبوونی ئازارەکە بەهۆی نەخۆشیی ماسولکەکانی حەوزی مرۆڤەوەیە.
ئەندریە کوندراخین کە خۆی پزیشکی هەناوییە باسی لە ئازاری پشت کردووە و لەوبڕوایەدایە هۆکارەکای بۆ ناتەندروستی ماسولکەکانی حەوزی مرۆڤ دەگەرێتەوە.
ئاماژەی بەوەشکردووە، ئەگەر ئازارەکە بەدرێژایی شەو و ڕۆژ واتە بۆماوەی ٢٤ کاتژمێر بەردەوامبوو ئەوا پێوسیتە کەسەکە سەردانی پزیشک بکات، دواتر پزیشک بەمەبەستی هەڵسەنگاندن و دیاریکردنی جۆری ئازارەکەی و لەڕێگەی وێنە تیشکییەکانەوە هۆکاری ئازارەکەی هۆ دەستنیشان دەکات.
ئەو پزیشکە دەڵێت، “زۆرینەی ئەوانەی ئازاری پشتیان هەیە ئەو ژنانەن کە گرفتی تەندروستییان لە حەوز و سیستمی زاوزێیاندا هەیە، بەڵام لەپیاواندا لەوانەیە بەهۆی نەخۆشییەکانی ڕێڕەوی میزەوەبێ، دەشلێتم هەریەکە لە نەخۆشییەکانی گورچیلە و گەدە و دڵ دەکرێت ببنەهۆی دروستبوونی ئازار لە پشتدا، ئازارەکە لەوانەیە نائاسایی بێت، بۆ نموونە، بەهۆی برینەکانی گەدە، هەوکردنی گەدە یان هەوکردنی پەنکریاس. ئەم نەخۆشییانە هەندێک جار دەبنە هۆی ئازاری پشت و تەنانەت هەندێک لە نەخۆشەکان بەهۆیانەوە هۆشیاری لەدەست دەدەن.
