وەزارەتی بازرگانی عێراق ئاشكرای دەكات، كە پێشنیاریان كردووە بۆ زیاد كردن ماددەی خۆراكی نوێ بۆ سەر سەبەتەی بەشەخۆراكی مانگانەی هاووڵاتیان و دەشڵێت: “بڕێكی زۆر خۆراكی كۆگاكراو بۆ حاڵەتی فریاگوزاری بەردەستە”.
لما هاشم موسەوی، بەڕێوەبەری گشتیی کۆمپانیای گشتی بازرگانی خۆراک، ڕایگەیاندووە، وەزارەتی بازرگانی چەند پێشنیارێکی خستۆتەڕوو بۆ گۆڕینی کەرەستەی سەبەتەی خۆراک، وەک زیادکردنی کەرەستە و دروستکردنی نوێ بۆ هەموو هاووڵاتیان.
ئاماژەی بەوەشکرد، “وەزارەت و کۆمپانیاکە ئەولەویەتیان بە پۆلی چاودێری کۆمەڵایەتی دا بەگوێرەی بەرنامەی حکومەت و ڕێنماییەکانی حکومەت بۆ پێدانی چاودێری تایبەت بەم پۆلە.”
ڕاشیگەیاندووە، “وەک بەشێک لە بەرنامەی حکومەت و ئەولەویەتەکانی حکومەت دابینکردنی یەدەگی فریاگوزارییە، کە لە کاتی قەیران و شەڕەکاندا بەردەست دەبێت.”
