وەزیری بازرگانی و پیشەسازیی حكومەتی هەرێم ڕایدەگەیەنێت، كە حكومەتی عیراق دڵنیایی دەدات لە خەرجكردنی پارەی گەنمی جوتیارانی هەرێمی كوردستان بۆ ساڵانی ٢٠١٥ و ٢٠١٦ و ساڵی داهاتوو پارەكە خەرج دەكرێت.
كەمال موسلیم، وەزیری بازرگانی و پیشەسازیی حكومەتی هەرێم دوای كۆبوونەوەی لەگەڵ وەزیری بازرگانی و پیشەسازیی عێراق لەبەغدا لە لێدوانێكیدا رایگەیاند، گفتوگۆی جدیان لەسەر كۆی پرسەكانی تایبەت بە هەردوولا كردووە و لێكتێگەیشتنی باش لە نێوانیاندا هەیە.
ئاشكراشیكرد، وەزیری بازرگانی و پیشەسازیی عێراق دڵنیایی داوە لە خەرجكردنی پارەی گەنمی جوتیارانی هەرێمی كوردستان بۆ ساڵانی ٢٠١٥ و ٢٠١٦ و پارەكەش لە ساڵی داهاتوو خەرجدەكرێت .
