وەزارەتی دەرەوەی ئەمریکا هۆشداریدایە هاوڵاتیانی وڵاتەکەی گەشتی لوبنان نەکەن، چونکە دۆخی ئەمنی لوبنان لە حاڵەتێکی ناجێگیردایە.
وەزارەتی دەرەوەی ئەمەریکا لە بەیاننامەیەکدا ڕایگەیاندووە و داوا لە هاوڵاتیانی دەکات گەشتی لوبنان نەکەن چونکە دۆخی ئەمنی لوبنان لە حاڵەتێکی ناجێگیردایە و چاوەڕوان دەکرێت شەڕ لەنێوان ئیسرائیل و حزبوڵای لوبناندا هەڵبگیرسێت و تۆپهاوێژ و موشەک بەکاتر بهێنرێت یان ڕووبەڕووبوونەوەی چەکداری سەرهەڵبدات و باڵیۆزی ئەمریکا لە بەیروت لە توانایدا نییە هاوکاری هاوڵاتییە ئەمریکییەکان بکات.
ئەوەخراوەتەڕوو، هێزە تیرۆریستییەکانی لوبنان پلانی هێرشکردنیان داناوە و ئەوان لەناکاودا هێرشدەکەن و ناوچە گەشتیارییەکان و بازاڕ و شوێنە حکومی و گشتییەکان بە ئامانج دەگرن و حکومەتی لوبنانیش ناتوانێت گیانی هاوڵاتیان ی ئەمریکی بپارێزێت لەکاتی ڕوودانی کردەوەی توندوتیژی لەناکاودا.
وەزارەتی دەرەوەی ئەمریکا، داوا لە هاوڵاتیانی دەکات نەچنە ناو خۆپیشاندانەکانەوە کە بەهۆی ناکۆکییەکانی نێوان ئیسرائیل و فەلەستینەوە ئەنجام دەدرێت بۆئەوەی پارێزراوبن لە هەرکارێکی توندوتیژ.
دەشڵیت، سەلامەتی گیانی کارمەند و فەرمانبەرانی حکومی ئەمریکا لە بەیروت لە مەترسیدایە و پێسیوتە پارێزراوبن و بتوانن بەشیوەیەکی ئاشتیانە کارەکانیان لەژێرسێبەری ئاسایشدا جێبەجێ بکەن.
