ئەمڕۆ شەممە، تەندروستی نەینەوا ڕایگەیاند، ژمارەی ئەو کەسانەی بەهۆی کارەساتی هۆڵی ئاهەنگگێڕانەکەی قەزای حەمدانیە گیانیان لەدەستداوە بۆ ١٠٤ کەس زیادیکردووە.
وەزارەتی تەندروستی نەینەوا لە ڕاگەیەندراوێکدا ڕایگەیاندووە، “ژمارەی گیانلەدەستدان بەهۆی کارەساتی هۆڵی ئاهەنگگێڕانەکەی قەزای حەمدانییە گەیشتووەتە ١٠٤ کەس”.
ئاماژەی بەوەشکردووە، “بە فەرمی لە فەرمانگەی پزیشکی دادوەری لە شاری موسڵ تۆمارکراون، لەنێویاندا ٤١ تەرم کە تا ئێستا ناسنامەیان نەدۆزراوەتەوە”.
