“داوا لە حکومەتی عێراق دەکەین رێگری بکات لەو پێشێلکارییانەی سەقامگیری وڵاتەکەمان دەخاتە مەترسییەوە”

سەرۆکی ئاژانسی پاراستن و زانیاری / زانیاری لەبارەی هێرشەکەی سەر فڕۆکەخانیە کشتوکاڵی عەربەت روونکردنەوە دەدات و داواش لە حکومەتی فیدڕاڵی عیراق دەکات کە بەرپرسیارێتییە ئەمنییەکانی سەرشانی جددی تر رابپەڕێنێت و رێگری بکەن لەم پێشێلکاریانە کە سەقامگیری وڵاتەکەیان دەخاتە مەترسییەوە.

جەلال شێخ ناجی، سەرۆکی ئاژانسی پاراستن و زانیاری / زانیاری، لە پەیامێکدا دەڵێت:” بەتوندترین شێوە ئیدانەی کردەوە تیرۆریستییەکەی سەر فڕۆکەخانەی کشتوکاڵی عەربەت لە سلێمانی دەکەین کە بەهۆیەوە سێ هەڤاڵ و پێشمەرگەی قارەمانی دژەتیرۆری کوردستانمان شەهیدبوون و سێ پێشمەرگەی دیکەشمان برینداربوون”.

دەشڵێت:”کۆمەڵانی خەڵکی کوردستان دڵنیادەکەینەوە سەقامگیری و ئاسایش لەپێشینەی کارەکانمانە و بەھەموو ھەوڵێکمانەوە رووبەڕووی تەحددییە ئەمنییەکان دەبینەوە و لەبەرامبەر ئەم تاوانەش کە بەزاندنی ئاشکرای خاک و ئاسمانی هەرێم و عیراقە سورترمان دەکات کە ئاسایشی نیشتمانیی هەرێمەکەمان بپارێزین و دەرفەت نەهێڵینەوەبۆ ناحەزانمان ئارامیمان تێکبدەن .

لە بەشێکی دیکەی پەیامەکەیدا سەرۆکی ئاژانسی پاراستن و زانیاری / زانیاری، داوا لە حکومەتی فیدڕاڵی عیراق دەکات و دەڵێت: داوا لە حکومەتی فیدڕاڵی عێراق دەکەین کە بەرپرسیارێتییە ئەمنییەکانی سەرشانی جددی تر رابپەڕێنێت و رێگری بکەن لەم پێشێلکاریانە کە سەقامگیری وڵاتەکەمان دەخاتە مەترسییەوە”.