![](https://xelk.org/wp-content/uploads/2024/03/awincity2.png)
بانكی ناوەندی عێراق ئەمڕۆ سێ شهممه زیاتر له 200 ملیۆن دۆلاری خستنەبازاڕەوە و بهراورد بهرۆژانی ڕابردوو رێژهی كاشی بۆ دوو هێنده زیادكرد، ئەوەش بوووە هۆی دابەزینی بەهای دۆلار لەبازاڕەكانی ئاڵوگۆڕی دراودا.
ئەمڕۆ سێ شهممه بانكی ناوەندی عێراق ڕێژەی خستنەڕووی ڕاگەیاند، كە 201 ملیۆن و 395 هەزار و 261 دۆلاری خستۆتەبازاڕەوە، كە 64 ملیۆن و 170 هەزار دۆلار دۆلاری بەشێوەی كاش 137 ملیۆن و 225 هەزار و 261 دۆلار دۆلاریشی بەشێوەی حەواڵەیە.
لای خۆشیەوە، ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، دوای ئەوەی دوێنێ بەهای دۆلار بەرزبووەوە و بەهای 100 دۆلار گەیشتە 157 هەزار دینار، ئەمڕۆ بەهۆی خستنەبازاڕی بڕێكی زۆری دۆلارەوە نرخەكەی دابەزی.
وتیشی، “لە ئێستادا بەهای 100 دۆلار بە 156 هەزار دینار مامەڵەی پێوە دەكرێت” و ئەگەری دابەزینی زیاتری بەهاكەی هەیە.