پێوەرەکانی چاودێری تەندروستی ساڵی ٢٠٢٣ی گۆڤاری CEOWORLD Health Care Index، هەڵسەنگاندنی بۆ سیستمی تەندروستی گشتی ١١٠ وڵات کردووە.
بەگوێرەی هەڵسەنگاندەکانی ئەو گۆڤارە عێراق لە پلەی ٧٩ هەمینی وڵاتانی جیهان و پلەی ١١ی وڵاتانی عەرەبیدایە، لە کۆی ئەو وڵاتانەی باشترین سیستمی چاودێریی تەندروستییان هەیە.
پێوەرەکانی چاودێری تەندروستی شیکارییەکە بۆ چۆنییەتی و گونجاوی گشتی سیستەمی چاودێری تەندروستی وڵاتان، لەوانەش ژێرخانی چاودێری تەندروستی وەک گونجاوی بینای نەخۆشخانەکان، سیستمی بەڕێوەبردن و ئەو ئامێرانەی لە نەخۆشخانەکەدایە.
لێهاتوویی و کارامەیی پیشەییەکانی چاودێری تەندروستی (پزیشکان، ستافی پەرستاری، و کارمەندانی تەندروستی)، هەروەها تێچووی هەر تاکێک، بەردەستبوونی دەرمانی کوالیتی و ئامادەیی حکومەت.
هەروەها هۆکارەکانی دیکە لەبەرچاو دەگرێت لەوانە، ژینگەیی، دەستڕاگەیشتن بە ئاوی پاک، پاکوخاوێنی و ئامادەیی حکومەت بۆ سەپاندنی سزا بەسەر مەترسییەکانی وەک بەکارهێنانی تووتن و قەڵەوی.
ئەم پێوەرانە لەسەر سیستمی تەندروستیی ١١٠ وڵاتی جیهان هەڵسەنگاندنەکانی ئەنجامداوە و لەو ژمارەیە عێراق لە پلەی ٧٩ هەمین وڵاتیاندایە، لەسەر ئاستی جیهان تایوان لە پلەی یەکەم و لە وڵاتانی عەرەبیشدا ئیمارات پلەی یەکەمی ریزبەندییەکەی گرتووە.
سەبارەت بە وڵاتانی ئەوروپا، سوید لە پلەی یەکەمی وڵاتانی ئەوروپی و پلەی پێنجەمی وڵاتانی جیهاندایە، ئەڵمانیا لە پەلی چوارهەمی وڵاتانی ئەوروپی و پلەی هەشتەمی وڵاتانی جیهاندایە.
