وتەبێژی پۆلیسی پارێزگای کەرکوک ڕایگەیاند، بەرەبەیانی ئەمڕۆ پێنج شەممە لەگەڕەکی پەنجا عەلی شاری کەرکوک، کەسێک تەقەی لە خوشک و زاواکەی کرد و بەسەختی برینداریکردون و لە ئێستادا لە نەخۆشخانە چارەسەر وەردەگرن.
وتەبێژی پۆلیسی پارێزگای کەرکوک دەڵێت، “نازانین هۆکارەکەی چییە، بەڵام دیارە کێشەیەک هەبوە، ئەو پیاو و ژنە بە فەرمی هاوسەرگیریان کردوە و لە سلێمانی دانیشتون و بەسەردان هاتونەتە کەرکوک ”
ئاماژەی بەوەشکرد، زاواکە خەڵکی سلێمانییە و کوردە ژنەکەشی عەرەبە، دوای ئەوەی چونەتە کەرکوک برای ژنەکەی کە عەرەبە بینیویەتی و بە چەکی جۆری دەمانچە تەقەی لە هەردوکیان کردوە و برینداری کردون.
پۆلیسی کەرکوک ڕایگەیەیاند تۆمەتبار هەڵهاتوەو تا ئێستا دەسگیر نەکراوە .
