ڕووسیا دوو مووشەکی ئاڕاستەی باڵەخانەیەکی شاری پۆکرۆڤسکی ڕۆژهەڵاتی ئۆکرانیا کردووە، بەهۆیەوە زیاتر لە هەشت کەس کوژران.
پاڤلۆ کیریلێنکۆ، سەرۆکی ئیدارەی سەربازی لە دۆنێتسکی ئۆکرانیا لە تۆڕی کۆمەڵایەتی تێلێگرام ڕایگەیاند: “لە ئەنجامی هێرشە مووشەکیەکە پێنج کەس کوژراون و چواردە کەسی دیکە برینداربوون.”
جگە لەوەش بەهۆی موشەکەکەوە دوو کارمەندی خزمەتگوزاری فریاگوزاری حکومەت و هەروەها سەربازێک کوژراون، نۆ پۆلیس و کارمەندێکی حکومەتی خۆجێی و سەربازێک برینداربوون.
ڤلادیمیر زێلێنسکی، سەرۆکی ئۆکرانیا ڕایگەیاندووە، “دوو مووشەک تەقێندراوە و بینایەکی ئاسایی نیشتەجێبوون بەرکەوتووە، زیانی گیانی لێ کەوتووەتەوە”.
