مانگی شەشە، هێشتا مووچەی مانگی پێنج نەک دابەشنەکراوە، بەڵکو خشتەی مووچە هێشتا بڵاونەکراوەتەوە، عێراقیش ٦٠٠ ملیاری ناردووە.
خشتەی مووچەی مانگی نیسان لە ١٠ی ئایار بڵاوکراوەیەوە، پاش بڵاوکردنەوەی خشتەکە بە چوار ڕۆژ لە ١٤ی مانگ دەست بە دابەشکردنی مووچە کرا، لە ماوەی ١٨ ڕۆژدا دابەشکرا، بەڵام هێشتا خشتەی مووچەی مانگی پێنج بڵاونەکراوەتەوە.
ئەمە لەکاتێکدایە، لە نۆی مانگی ڕابردوو حکومەتی عێراقی ٤٠٠ ملیار دینار، لە ٢٢ی مانگ ٢٠٠ ملیاری دیناری بۆ هەرێمی کوردستان ناردووە.
