بەڕێوەبەری گشتی تەندروستی هەڵەبجە ڕایدەگەیەنێت، لەم قەیرانەدا نەخۆشخانەی وەفا بە پەرستاری خۆبەخش بەرێوە دەبرێت، دەشڵێت،”دوابەدوای پڕبوونی قاوشی منداڵان و هەبوونی نەخۆشی تازەو گومانلێكراوی نوێ بەناچاری پلان B بەكار هێنرا”.
د.ئازاد مستەفا، بەڕێوەبەری گشتی تەندروستی هەڵەبجە ڕایگەیاند، دوابە دوای پڕ بوونی قاوشی منداڵان و هەبوونی نەخۆشی تازە و گومانلێكراوی نوێ بەناچاری پلان B بەكار هێنرا، كە ئەویش بەكارهێنانی نەخۆشخانەی وەفایە و گواستنەوەی هەندێك لە نەخۆشەكان و نیشتەجێكردنی نەخۆشە تازە دیاریكراوەكانە تێیدا .
ڕاشیگەیاندووە، لەئیستادا هەردوو قاوشی منداڵان و نەخۆشخانەی وەفا نەخۆشی تێدایە و چارەسەر وەردەگرن و نەخۆشخانەی وەفا بە پەرستاری خۆبەخش بەرێوە دەبرێت، بۆیە داوا دەكەن، حكومەتی هەرێم بەدەم داواكاریەكانیانەوە بێت.
