ئاسایشی فڕۆکەخانەی نێودەوڵەتی سلێمانی روونکردنەوەیەکی لەسەر رووداوەکەی ئەم ئێوارەیە بڵاوکردەوە و دەڵێت:” لە نزیك سیاجی فڕۆكەخانەی نێودەوڵەتی سلێمانی تەقینەوەك ڕوویدا كە تیایدا هیچ زیانێكی گیانی و ماددی نەبوو”.
لە روونکردنەوەکەی ئاسایشی فڕۆکەخانەی سلیمانیدا هاتووە کە” ئەمڕۆ ئێوارە ٢٠٢٣/٤/٧ كاتژمێر ٤:١٨ خولەك لە نزیك سیاجی فڕۆكەخانەی نێودەوڵەتی سلێمانی تەقینەوەك ڕوویدا كە تیایدا هیچ زیانێكی گیانی و ماددی نەبوو و بووە هۆی ئاگر كەوتنەوە، دەستبەجێ تیمەكانی بەرگری شارستانی فڕۆكەخانە گەیشتنە شوێنی ڕووداوەكە و ئاگرەكەیان كۆنترۆڵ كرد”.
لە روونکردنەوەکەدا هاتووە، لە ئێستادا هێزەكانمان سەرقاڵی لێكۆڵینەوەن لە ڕووداوەكە و لە داهاتوودا زانیاری زیاتر بڵاو دەكەینەوە.
فرۆکەخانەکە هاووڵاتییان و گەشتیارەكان ئاگاداردەکاتەوە كە هیچ گرفتێك لە فڕۆكەخانە نییە و گەشتەكان و کاروبارەکانی فڕۆکەخانە بەشێوەی ئاسایی خۆیان بەڕێوەدەچن.
