سەرۆكی حكومەتی هەرێمی كوردستان ئەمڕۆ لە پاریس لەگەڵ ئیمانوێل ماكرۆنی سەرۆكی فەرەنسا كۆدەبێتەوە.
ئێوارەی دوێنێ چوارشەممە 15ی شوباتی 2023، مەسرور بارزانی، سەرۆكی حكومەتی هەرێمی كوردستان، بە سەردانێكی فەڕمی و بە سەرۆكایەتی شاندێكی حكومەت، گەیشتە پاریسی پایتەختی فەرەنسا.
بڕیارە ئەمڕۆ 16/2/2023 سەرۆكی حكومەت لەگەڵ سەرۆك ئیمانوێل ماكرۆن و بەرپرسە باڵاكانی دیكەی فەرەنسا كۆدەبێتەوە، بۆ تاوتوێكردنی پەیوەندییەكانی نێوان هەرێمی كوردستان و فەڕەنسا لە هەموو بوارەكاندا.
سەفین دزەیی، بەرپرسی فەرمانگەی پەیوەندییەكانی دەرەوەی حكومەتی هەرێمی كوردستان رایگەیاند، لە كۆبوونەوەی مەسرور بارزانی لەگەڵ ئیمانوێل ماكرۆن، باسی پەیوەندییەكانی نێوان هەرێمی كوردستان و فەڕەنسا، دۆخی ئەمنی و ئابووری، پەیوەندییەكانی هەولێر و بەغدا دەكرێت.
