دەستەی حەج و عومرە ژمارەی ئەو عومرەكارانە ڕادەگەیەنێت كە بەڕێگەی ئاسمانی و وشكانی ڕۆیشتوون بۆ سعودیە و دەڵێت، ژمارەیان 182 هەزار عومرەكاری تێپەڕاندووە.
بەپێی بەیاننامەیەك كە لەلایەن دەستەی حەج و عومرەی عیراقەوە بڵاوكرایەوە”ژمارەی عومرەكاران كە سەردانی سعودیەیان كردووە لە سەرەتای دەستپێكردنی وەرزی عومرە، گەیشتۆتە 182 هەزار و 152 عومرەكار كە 85572 كەسیان لەڕێی ئاسمانی و 96580 كەسی ترییان لەڕێی وشكانییەوە بووە.
هەر لە بەیاننامەكەدا هاتووە”پرۆسەی گواستنەوەی عومرەكاران لەڕێی فڕۆكەخانەكانەوە بەمشێوەیە بووە “بەغدا 53808 – نەجەف 13156 – هەولێر 10214 – بەسرە 6236 – كەركوك 1368 – سلێمانی 770 )”.
دەستەی حەج و عومرەی عیراق دەڵێت، لەڕێی مەرزی سنوری عەرعەرەوە (96580 ) عومرەكار لە پارێزگا جیاجیاكانەوە بە نەفەرهەڵگر و ئۆتۆمبێلی تایبەتی چونەتە سعودیە.
