ئێمە لە تۆرە کۆمەڵایەتیەکان

عێراق

پرۆسەكە كۆتایی هات
دوایین وەجبەی حاجیان بەرەو سعودیە بەڕێكەوت

خەڵك- بەشی هەواڵ

كۆمپانیای هێڵی ئاسمانی عیراق رایدەگەیەنێت، 24297 حاجی لەڕێی 81 گەشتەوە گەیشتوونەتە وڵاتی سعودیە.

ئەمڕ پێنج شەممە، بەڕێوەبەری گشتی كۆمپانیای هێڵی ئاسمانی عیراق لە بەیاننامەیەكدا رایگەیاندووە”هێڵی ئاسمانی عیراق سەرلەئێوارەی ئەمڕۆ، دوایین گەشتی تایبەت بە گواستنەوەی حاجیانی عیراقی بۆ سعودیە ئەنجامدا، بەوشێوەیە كۆتایی پرۆسەی گواستنەوەی حاجیان رادەگەیەنین لەڕێی فڕۆكەخانەكانی (بەغدا، نەجەف، سلێمانی، هەولێر”، ئاماژەی بە كۆی گشتی ئەو حاجیانەش كرد كە لەڕێی هێڵی ئاسمانی عیراقیەوە گواستراونەتەوە بۆ سعودیە كە بە وتەی ئەو “24297 حاجی بوون”.

هەر لە بەیاننامەكەدا هاتووە”پلانی گواستنەوەی حاجیان كە لەلایەن كازم فنجان وەزیری گواستنەوەوە سەرپەرشتی كرا، بەسەركەوتوویی لەم وەرزەدا بەبێ‌ هیچ ئاستەنگێك بە ئەنجام گەیشت كە لەڕێی 81 گەشتەوە بووە و بەسەر پێنج وێستگەدا دابەشكران كە بەمشێوەیە بوون: بەغدا 31 گەشت، نەجەف 10 گەشت، بەسرە 11 كگەشت، هەولێر 18 گەشت، سلێمانی 10 گەشت”.

بەڕێوەبەری كۆمپانیای هێڵی ئاسمانی عیراق، ستایشی رۆڵی هەموو كارمەندانی وێستگەكانی كۆمپانیاكەی كرد لە فڕۆكەخانەكانی عیراق كە بە وتەی ئەو، هەوڵێكی زۆرییان خستەگەڕ بۆ پێشكەشكردنی خزمەتگوزاریی باشتر بە حاجیان.

ئابوری

بانکی ناوەندیی عیراق ڕێگا نادات نرخی دینار بەرامبەر دۆلار بێتە خوارەوە

خەڵک-

پاش مەترسییەکانی راکێشانی دۆلار لە بازاڕەکانی عیراق لە لایەن ئێرانەوە و بەرزبوونەوەی نرخی دۆلار بەرامبەر دیناری عیراقی، بانکی ناوەندیی عیراق ڕایگەیاند، ڕێگا نادەن نرخی دۆلار لە ١.٢١٠ دیناری عیراقی سەربکەوێت.

قاسم رەھیف، ئەندامی ئەنجومەنی بەڕێوەبردنی بانکی ناوەندیی عیراق و بەرپرسی لقی بەسرەی ئەو بانکە، ڕایگەیاند: بانکی ناوەندیی عیراق چەند رێوشوێنێکی گرتۆتە بەر تا ڕێگری بکات لەوەی نرخی دیناری عیراقی بە جێگیری بھێڵێتەوە.

ئەوەشی ڕاگەیاند: بەو میکانیزمەی گیراوەتە بەر، نرخی دینار بەرامبەر دۆلار لە دۆخی ئێستای دەمێنێتەوە و لە ١٢١ ھەزار دینار بۆ ١٠٠ دۆلار تێپەڕ ناکات.

ھەفتەی پێشوو چەند ئازانسێکی ھەواڵی ئاماژەیان بەوە کرد، ئێران کار لەسەر ڕاکێشانی دۆلار دەکات لە بازاڕەکانی عیراق و ئەو کارەشی بە گروپ و حزبە لایەنگرەکانی خۆی لەناو عیراق سپاردووە.

بەرپرسی چەند بانکێکیش بە بێ ئەوەی ناوی خۆیان ئاشکرا بکەن ڕایانگەیاندبوو، ناتوانن ڕێگری بکەن لە کڕینی دۆلار لە لایەن حزب و گروپە لایەنگرەکانی ئێرانەوە، لە کاتێکدا دەزانن ئەو پارەیە بە قاچاخ دەبرێتە ئێران.

 

بەردەوام بە لە خوێندنەوە

عێراق

وەفدێكی عیراق لە جەژنی قوربان دێتە هەرێمی كوردستان

خەڵك- بەشی هەواڵ
سەرچاوەیەكی ئاگادار ئاشكرای دەكات، كە لە كۆتاییەكانی ڕۆژانی جەژنی قوربان وەفدێكی سیاسی عیراق سەردانی هەرێمی كوردستان دەكات و دەشڵێت: “لەگەڵ یەكێتی و پارتی كۆدەبێتەوە”.

ماڵپەڕی (بغداد الیوم)ی عیراقی لە زاری ئەو سەرچاوەیەوە بڵاویكردۆتەوە، كە وەفدێكی سیاسی هاوپەیمانی سائیرون-ی سەدر و نەسر-ی عەبادی لە ڕۆژانی سێیەم و چوارەمی جەژنی قوربان سەردانی هەرێمی كوردستان دەكات.

ڕاشیگەیاندووە، كە ئەو وەفدە چاوی بە سەركردایەتی پارتی بە سەرۆكایەتی مەسعود بارزانی دەكەوێت پێش ئەوەی بگاتە سلێمانی بۆ بینینی كۆسرەت ڕەسوڵ، جێگری سكرتێری گشتی یەكێتی و هێرۆ ئیبراهیم، هاوسەری سكرتێری كۆچكردووی یەكێتی و ژمارەیەك سەركردەی یەكێتی.

وەك سەرچاوەكە ئاماژەی پێ‌ كردووە، “تا ئێستا دڵنیا نیە لەوەی ئەو دوو هاوپەیمانیە بەیەكەوە سەردانی هەرێم دەكەن یان بەجیا”.

هەفتەی ڕابردوو، ڕەوتی حیكمە ڕایگەیاندبووە، كە لە ڕۆژانی داهاتوودا وەفدێك، كە لە 5 هێزی براوەی هەڵبژاردن پێكهاتووە سەردانی هەرێمی كوردستان دەكات و جەختیشی كردبووەوە، “بەم زووانە گەورەترین كوتلەی پەرلەمانی ڕادەگەیەنرێت”.

بەردەوام بە لە خوێندنەوە

عێراق

هاوپەیمانان كاروانێكی دیكەی چەك و تەقەمەنان ڕادەستی سوپای عیراق كرد

خەڵك– بەشی هەواڵ
وەزارەتی بەرگری عیراق ڕایدەگەیەنێت، لە چوارچێوەی ڕێكەوتن و هەماهەنگی نێوانمان لەگەڵ هێزەكانی هاوپەیمانان، كاروانێكی دیكەی چەك و تەقەمەنی و كەلوپەلی سەربازیمان بەدەست گەیشت.

ماڵپەری فەرمی وەزارەتی بەرگری عیراق لە بەیاننامەیەكدا ئاماژەی بەوەكردووە، ئەمڕۆ شەممە 18ی ئاب هێزەكانی هاوپەیمانان كاروانێكی دیكەی چەك و تەقەمەنی و كەلوپەلی سەربازییان ڕادەستی هێزەكانی سوپای عیراق كرد، ڕاستەخۆش بەسەر لیوای 41ی پیادەی سەر بە فیرقەی 10ی سوپا دابەشكرا.

وەك لە بەیاننامەیەكدا هاتووە، “ئەمە لە چوارچێوەی بەرنامەی ڕاهێنان و پڕچەك كردنی هێزەكانی سوپای عیراقە لەلایەن هاوپەیمانانەوە بە ئامانجی ڕووبەڕووبوونەوە و لەناوبردنی تیرۆر لە وڵاتدا”.

ئەوەشخراوەتەڕوو، وەزارەتی بەرگری عیراق لە ڕێكەوتن و هەماهەنگی لە نێوان هێزەكانی هاوپەیمانان و سوپای عیراقدا بەردەوامە.

بەردەوام بە لە خوێندنەوە

کوردستان

دوایین