لەگەڕەکی جوتیارانی قەزای کەلار ئۆتۆمبێلێک کۆنتڕۆڵ لەدەست دەدات، خۆی دەکێشێت بە مارکێتێکدا و مێردمنداڵێک دەكات بەژێرەوە.
بەڕێوەبەرایەتی هاتووچۆی گەرمیان بڵاویكردەوە، کەمێک پێش ئێستا ئۆتۆمبێلێکی جۆری هۆندا تکسۆن لەگەڕەکی جوتیاران کۆنتڕۆڵی لەدەستدا و خۆی کێشاوە بە مارکێتێکدا و مێردمناڵێکی شێلاوە و بەسەختی برینداری کردوە.
ڕاشیگەیاندووە، بریندارەکە لەدایک بووی ساڵی ٢٠١٢ەیە و لەئێستادا بەمەبەستی وەرگرتنی چارەسەر گەیەنراوەتە نەخۆشخانەی فریاکەوتنی شەهید هەژار لەکەلار.
ئاماژەی بەوەشكردووە، تیمەکانی هاتووچۆ لێکۆڵینەوەیان لە ڕووداوەکە دەستپێکردوە بەمەبەستی زانینی هۆکار و چۆنیەتی ڕووداوەکە.
