بەهۆی شەڕ و دەمەقاڵێیی نێوان دوو كەسەوە، كە یەكێكیان تەقەی كردووە و بەوهۆیەوە دوو كەس بریندار بوون.
بەرزان عوسمان، وتەبێژی پۆلیسی هەڵەبجەڕایگەیاندووە، ئێوارەی ئەمڕۆ لەناو بازاڕی هەڵەبجە شەڕ و دەمەقاڵێ لە نێوان دوو کەس ڕوویداوە و بەهۆیەوە کەسێک تەقەی کردووە.
ڕاشیگەیاندووە، بەهۆی تەقەكانەوە دوو هاووڵاتی، کە لە نزیک شوێنی شەڕەکە بوون فیشەکیان بەرکەوتووە و بریندار بوون.
ئاماژەی بەوەشكردووە، دۆخی بریندارەکان جێگیرە و تەقەکەرەکەش هەڵاتووە، بەڵام هێزەکانمان لە هەوڵی دەستگیر کردنیدان.
