شارەزایەكی كەشناسی ڕایدەگەیەنێت، ئەمشەو و سبەی زنجیرەیەک ھەورەبروسکە و تاوە باران ناوچەکانمان دەگرێتەوە و دەشڵێت: پلەكانی دەرما دادەبەزن.
شاڵاو هیدایەت، شارەزای كەشناسی بۆ (خەڵك) ڕایگەیاند، پێشبینی دەکرێ ئەمشەو و سبەی زنجیرەیەک ھەورەبروسکە و تاوە باران ناوچەکانمان بگرێتەوە و ئەگەری تاوە بارانی بەخوڕ ھەیە لەبەشێکی ناوچەکان لەگەڵ زیادبونی خێرایی با.
ڕاشیگەیاند، ھەورە بروسکەی بەھێزی لەگەڵ دەبێت لەگەڵ تاوەکاندا تا کاتەکانی مەغریبی سبەی چوار شەممە ناو بەناو و بەپچڕی بەردەوامە ئەم بارودۆخەی ناسەقامگیری کەشوهەوا بە بەرفراوانی و چڕی و سبەی لەسەرتاسەری ناوچەکان پلەکانی گەرما بەڕێژەی 2 تا 3 پلە دادەبەزنەوە.
ئاماژەی بەوەشكرد، ئەگەر هەیە کۆتایی هەفتەش بەزۆری هەینی لەکاتەکانی دوانیوەڕۆ بۆ مەغریب دووبارە بەهۆی دروست بوونی هەوری ناوخۆیی تاوە بارانی کاتی و کورتخایەن و هەورە بروسکە هەندێ ناوچە و شوێن بگرێتەوە .
