![](https://xelk.org/wp-content/uploads/2024/03/awincity2.png)
کەشناسی پێشبینی دەکات لەگەڵ زیابوونی خێرایی با دا، کەمێک خۆڵببارێت و پلەی گەرماش نزم دەبێتەوە.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ یەکشەممە، ئاسمان بەردەوام هەور دەبێت، لەگەڵ زیادبوونى خێرای با و ئەگەرى کەمێک تۆز لە کەشى ناوچەکەمان.
ڕوونیشیکردەوە کە ئەگەرى پروشکە باران هەیە لە سەنتەرى پارێزگاکان و لە سنوورى ناوچە شاخاوییە بەرزەکان ئەگەرى باران بارینى زیاتر دەبێت.
سەبارەت بە سبەینێ دووشەممەش ڕایگەیاند، ئاسمان نیمچە هەور دەبێت و هەندێک کات دەگۆڕێت بۆ هەورى تەواو، ئەگەرى بارانبارینى کەم هەیە لە سەر بەشێک لە سنوورى پارێزگاى سلێمانى و ناوچە شاخاوییە سنووریەکانى پارێزگاى دهۆک.
کەشناسی ڕوونیشیکردەوە کە ئەمڕۆ و سبەینێ نزیکەی 3 پلە هەرما نزم دەبێتەوە.
بەرزترین پلەکانی گەرمای پێشبینیکراو بە پلەی سیلیزی
هەولێر : 29
سلێمانى : 27
دهۆک : 28
زاخۆ : 27
هەڵەبجە : 28
کەرکوک: 31
سۆران : 24
حاجی ئۆمەران: 17
گەرمیان : 35