لە سێ مانگی سەرەتای ئەمساڵدا بەراورد بە ساڵی ڕابردوو، هەناردەی تورکیا بۆ عێراق زیادیکردووە.
دەزگای ئایندەی عێراق بۆ لێکۆڵینەوە و ڕاوێژکاریی ئابووری بڵاویکردەوە، هەناردەی تورکیا بۆ عێراق لە چارەکی یەکەمی ساڵی 2024، بەراورد بە چارەکی یەکەمی ساڵی ڕابردوو، بە ڕێژەی 32% زیادیکردووە.
بەگوێرەى داتاى دەزگای ئایندەی عێراق بۆ لێکۆڵینەوە و ڕاوێژکاری ئابووری، کۆی هەناردەکردن لە چارەکى یەکەمى ئەمساڵدا بە بەهاى دوو ملیار و 900 ملیۆن دۆلار بووە و ماددە خۆراکییەکان زۆرترین کاڵاى تورکى بووە کە بۆ عێراق هەناردە کراوە.
هەروەها هەناردەکردنی کاڵاى جۆراوجۆر لە تورکیاوە بۆ عێراق بەتایبەت زێڕ بە ڕێژەی 49% زیادیکردووە و ڕێژەی ئامێر و ئامڕازەکانی گواستنەوەش بە ڕێژەی 35% زیادیکردووە.
