تۆمەتی كووشتن و هەوڵدان بۆ كوشتن، خرایەپاڵ ئەو هاووڵاتییە فەرەنسییەی كە رۆژی هەینی رابردوو سێ چالاكوانی كوردی لە پاریس لە ناوەندی كولتووری ئەحمەد كایا كوشت.
ئاژانسی هه‌واڵی فرانس پرێس، بڵاویکردووەتەوە، تۆمه‌تباره‌كه خانه‌نشینه و پێشتر شۆفێری شه‌مه‌نده‌فه‌ر بووه، هه‌ڵگری ناسنامه‌ی فه‌ره‌نسییه، دادوه‌ری لێكۆڵینه‌وه له فه‌ره‌نسا تۆمه‌تی كووشتن، هه‌وڵدان بۆ كوشتن و ده‌ستكه‌وتنی چه‌كی بێ مۆڵه‌تیشی ئاراسته‌كرد.
رۆژی ٢٣-١٢-٢٠٢٢، هاووڵاتییه‌كی فه‌ره‌نسی (تەمەن 69 ساڵ)، بە چەکەوە هێرشیکردە سەر ئارایشتگایەک و ناوەندی کولتووری (ئەحمەد کایا) له پاریس، لە ئەنجامدا سێ هاووڵاتی کورد کوژران و سێ کەسی دیکەش برینداربوون، دواتریش هێرشکارەکە دەستگیرکرا.
