کەشناسی هەرێمی کوردستان پێشبینی بارانبارین دەکات کە هەندێک کات هەورە تریشقەی لەگەڵ دەبێت، ڕاشیگەیاند، پلەی گەرما نزم دەبێتەوە.
بەشی پێشبینی لە وەزارەتی گواستنەوە و گەیاندنی هەرێمی کوردستان ڕایگەیاند، ئەمڕۆ هەینی ئاسمان لە نێوان نیمچە هەور و هەوری تەواو دەبێت، لە کاتەکانی دوای نیوەڕۆ لە ناوچەکانی باکوور و ڕۆژهەڵاتی هەرێم بە تایبەت لە ناوچە شاخاوییەکان نمە باران و بارانی مامناوەند دەبارێت.
ئەوەشی خستەڕوو کە لە شەودا ڕێژەی دابارین لە سنووری پارێزگای هەڵەبجە و سلێمانی کەمێک زیاتر دەبێت و هەندێک کات لە کاتى باران هەورە تریشقەشى لەگەڵ دەبێت .
سەبارەت بە سبەینێ شەممەش رایگەیاند، ئاسمان بە گشتی نیمچە هەور دەبێت لە هەندێک ناوچە دەگۆڕێت بۆ هەوری تەواو، لە ناوچە شاخاوییە بەرزەکانیش ئەگەری کەمێک نمە باران هەیە .
ئاماژەشیدا بەوەی بە بەراورد لەگەڵ ئەمڕۆدا، پلەی گەرما 1-3 پلە نزم دەبێتەوە.
بەرزترین پلەکانی گەرمای پێشبینیکراو بە پلەی سیلیزی
هەولێر : 21
سلێمانی : 21
دهۆک : 19
زاخۆ : 20
هەڵەبجە : 21
کەرکووک : 24
سۆران : 21
حاجی ئۆمەران : 11
گەرمیان : 26
