ڕەشەبا چەند ستوونێکی لە ئیدارەی ڕاپەڕین خست و بە هۆیەوە کارەبا ناحیەیەک و چەند گوندێک بڕا.
ئەمڕۆ دووشەممە، وەزارەتی کارەبا ڕایگەیاند، ڕەشەبا سێ ستوونی کارەبای لە گوندی گوڵانی ناحیەی هەڵشۆ و ستوونێکی دیکەی لە دارەشمانە شکاند و بەهۆیەوە کارەبای ناحیەی هەڵشۆ و بەشێک لە گوندەکانی سنوورەکە پچڕاوە.
ڕوونیشیکردەوە کە تیمەکانی کارەبای ڕاپەڕین هەوڵی چارەسەرکردنی کردنی کێشەکە و گەڕاندنەوەی کارەبا بۆ هاووڵاتییانی سنوورەکە دەدەن.
ئەمڕۆ بەشی پێشبینی لە وەزارەتی گواستنەوە و گەیاندن ڕایگەیاند، خێرایی با لە نێوان 10-40 کیلۆمەتردا دەبێت لە کاتژمیرێکدا.
