پاش ماوەیەک لە جێگری نرخەکەی، ئەمڕۆ بەهای دۆلاری ئەمریکی بەرامبەر بە دیناری عێراقی ڕووی لە دابەزین کرد، و ٢٥٠ دینار کەمی کرد.
ئەمڕۆ سێشەممە، نرخی ١٠٠ دۆلاری ئەمریکی بەرامبەرە بە ١٥١ هەزار و ٩٥٠ دیناری عێراقی، بەراورد بە ڕۆژانی ڕابردوو نرخەکەی ڕووی لە دابەزین کردووە.
دوێنێ نرخی ١٠٠ دۆلار بە ١٥٢ هەزار و ٢٠٠ دینار بوو، ئەمڕۆ ٢٥٠ دیناری لێ بوەوە و بۆ ١٥١ هەزار و ٩٥٠ دینار دابەزی.
ئەمڕۆ بانکی ناوەندی ٢٨ ملیۆن زیاتر دۆلاری نەقدە خستەبازاڕەوە، هاوکات دوێنێ بانکی ناوەندی ٢١٠ ملیۆن و ٤٦٢ هەزار و ٦٥٤ دۆلاری خستەبازاڕەوە، لەو بڕەش ٣٠ ملیۆن و ٣٠ هەزار دۆلاری بە نەقد بوو.
ماوەی دوو ڕۆژە بانکی ناوەندی بڕی ئەو دۆلاری نەقدەی دەیخاتە بازاڕەوە زیادی کردووە، کە بەراورد بە ڕۆژی یەکشەممە نزیکەی دوو هێندە و زیاترە، ئەمەش کاریگەری کردووەتە سەر دابەزینی نرخی دۆلار.
