قوباد تاڵەبانی دوابڕیاری بۆ پلەبەرزكردنەوە و دامەزراندن ڕاگەیاند

جێگری سەرۆک وەزیرانی هەرێمی کوردستان ڕایدەگەیەنێت، لەگەڵ هەموارکردنەوەی یاسای بودجەی فیدڕاڵی عێراق، پلەی مامۆستایانی شایستە بەرزدەکرێتەوە و وانەبێژانیش دەکرێنە گرێبەست.

قوباد تاڵەبانی، جێگری سەرۆک وەزیرانی هەرێمی کوردستان لەگەڵ ژمارەیەک لە مامۆستایانی ناڕازی کۆبووەوە و ڕایگەیاند، “بڕیاری حکومەتی هەرێمم بۆ دووپاتکردنەوە کە؛ بە هەمواری یاسای بودجەی فیدڕاڵی، پلەی مامۆستایانی شایستە بەرز دەکرێتەوە و وانەبێژەکانیش بکرێنە گرێبەستی فەرمی بەپێی رێکار و یاسا بەرکارەکان و ساڵانی خزمەت.

وتیشی، “بەردەوامیش لەخەت دەبین بۆ جێبەجێ کردنی داوا ڕەواکانیان.”