زێڕ دابەزینێکی بەرچاوی تۆمار کرد و نرخی ئۆنسەیەک لە خوار دوو هەزار دۆلاردا جێگیر بوو.
ئەمڕۆ چوارشەممە، نرخی یەک ئۆنسەی زێڕ بە هەزار و 993 دۆلارەوە مامەڵەی پێودە دەکرێت ئەویش دوای ئەوەی تا دوێنی ئێوارەوە نرخەکەی لە دەوروبەری دوو هەزار و 30 دۆلاردا بوو.
هۆکاری دابەزینی نرخی زێڕ بۆ ئەو داتایانە دەگەڕێتەوە کە دوێنی دەربارەی ئابووری ئەمریکا بڵاوکرانەوە و سەرجەمیان لەبەرژەوەندی دۆلاردا بوون، ئەوەش کاریگەری پێچەوانەی لەسەر نرخی زێڕ دروست کرد.
لە ناوەڕاستی مانگی کانوونی یەکەمی 2023ەوە ئەمە یەکەمجارە نرخی زێڕ بەو شێوەیە دابەزێت.
