مامۆستایانی ناڕازی و وانەبێژان سبەینێ خۆپیشاندانی سەرتاسەری ئەنجامدەدەن، جەختدەکەنەوە لەوەی تا داواکارییەکانیان جێبەجێنەکرێت بایکۆت ناشکێنن.
ماوەی نزیکەیی پێنج مانگ دەبێت کە مامۆستایان و وانەبێژان لە سنووری پەروەردەکانی پارێزگای سلێمانی و دەوروبەری بایکۆتی پڕۆسەی خوێندنیان کردووە، تا داواکارییەکانیان لە دابەشکردنی مووچە مانگانە لە کاتی خۆیدا، پلەبەرزکردنەوە و دامەزراندنی وانەبێژان جێبەجێدەکرێت.
هاوکات چەند ڕۆژێک دەبێت فشارەکان بۆ شکاندنی بایکۆت زیادیکردووە، پەروەردە داوا لە مامۆستایان دەکات بگەڕێنەوە هۆڵەکانی خوێندن و بۆ ئەو مەبەستەش دەستیکردووە بە سزادانی مامۆستایان.
لەو چوارچێوەیەدا سبەینێ یەکشەممە، مامۆستایانی ناڕازی و وانەبێژان لەبەردەم پەروەردەی ڕۆژئاوا خۆپیشاندان و ناڕەزایەتی ئەنجامدەدەن.
