لەسەر بانگهێشتی فەرمیی قەتەر، نێچیرڤان بارزانی دەچێتە ئەو وڵاتە و لەگەڵ ژمارەیەك لە سەركردەكانی جیهان ئامادەی یاریی كۆتایی مۆندیال دەبێت.
سەرۆكایەتیی هەرێمی كوردستان ڕایگەیاند، نێچیرڤان بارزانی، سەرۆكی هەرێمی كوردستان لەسەر بانگهێشتی فەڕمی شێخ تەمیم بن حەمەد ئال سانی، میری قەتەر دەگاتە دەوحەی پایتەختی ئەو وڵاتە.
ئاماژە بە ئەوەش كراوە، “لە سەردانەكەیدا سەرۆكی هەرێمی كوردستان لەگەڵ ژمارەیەكی بەرچاوی سەركردەی وڵاتانی جیهان، ئامادەی بەڕێوەچوونی یاریی كۆتایی جامی جیهانی تۆپی پێ دەبێت.”
كاتژمێر 6ی ئێوارەی ئەمڕۆ، لە وڵاتی قەتەر یاری كۆتایی مۆندیالی 2022 لەنێوان هەردوو هەڵبژاردەی ئەرجەنتین و فەڕەنسا ئەنجام دەدرێت.
