ئێمە لە تۆرە کۆمەڵایەتیەکان

ئابوری

مووچە بەپێی جۆری كار و بڕوانامە دیاریكرا
ژمارەیەكی زۆر هەلی كار لە سلێمانی و شارۆچكەكان ڕاگەیەنرا

خەڵك- بەشی هەواڵ
هەردوو ڕێكخراوی (ڕیچ و گیز) ژمارەیەكی زۆر هەلی كار بە گرێبەست بۆ ماوەی دوو مانگ بۆ هاوڵاتیان و بەتایبەت گەنجانی شاری سلێمانی و شارۆچكە و ناوچەكانی دەوروبەری سلێمانی ڕادەگەیەنن و بڕی مووچەكەش بەپێی جۆری كارەكە و بڕوانامەكە دیاری كراوە.

بەڕێوەبەرێتی پەروەردەی شارباژیڕ لە ڕاگەیەنراوێكدا، كە وێنەی داوە بە (خەڵك) ئاماژەی بەوەكردووە، ڕێكخراوی REACH بە هاوكاری ڕێكخراوی GIZ ی ئەڵمانی، هەلی كار بە شێوەیەكی كاتی دەڕەخسێنێت بۆخەڵكی خانەخوێی (دەربەندیخان، سەیدسادق، شارباژێڕ، ڕانیە، چوارقورنە، حاجی ئاوا).

ئاشكراشی كردووە، هەلی كارەكە بۆ كاركردنە لە چەند قوتابخانەیەك بۆ ماوەی 60 ڕۆژ و لە هەفتەیەكدا لە ڕۆژی یەك شەممە تا پێنج شەممە ڕۆژانە 8 كاتژمێر و بە بڕی مووچەی دیاری كراوە، كە ڕۆژانە بۆ ئەندازیار و وەستا بڕی 40 هەزار دینار و بۆ كرێكار و پاكەرەوە و ڕێكخستن بڕی 25 هەزار دینارە و خواردن لە ئەستۆی كەسەكە خۆیەتی.

ڕوونیشی كردۆتەوە، كە دەبێت هاوڵاتی داواكار خۆی نیشتەجێی ئەو سنورە بێت و پێناس و كارتی زانیاری پێبێت و سەردانی ئەو ناونیشانانە بكات، كە لە ڕاگەیەنراوەكەدا ئاماژەی بۆ كراوە (لە هەر ناوچەیەك شوێنێك دیاری كراوە بۆ پڕكردنەوەی فۆڕم).

دەقی راگەیەندراوەكە:

هەلی كار بۆ خەڵكی شارباژێڕ، سەیدسادق، دەربەندیخان، ڕانیە ، چوارقورنە، حاجی ئاوا

ڕێكخراوی REACH بە هاوكاری ڕێكخراوی GIZ ی ئەڵمانی، هەلی كار بە شێوەیەكی كاتی دەڕەخسێنێت بۆخەڵكی خانەخوێی دەربەندیخان، سەیدسادق، شارباژێڕ، ڕانیە، چوارقورنە، حاجی ئاوا..

بۆ ئەو كەسانەی كە دەتوانن ئەو كارانەی خوارەوا بكەن لە چەند قوتابخانەیەك‌‌ بۆ ماوەی 60ڕۆژ، هەفتانە لە ڕۆژانی یەك شەممە تا پێنج شەممە، ڕۆژی 8 كاتژمێر كاركردن .

كارەكان:
1. وەستای ئاو و ئاوەڕۆ
2. وەستای كارەبایی
3. وەستای بۆیاخ
4. وەستای دارتاشی
5. وەستای بینا (لەبغ و گەچكاری)
6. ئەندازیاری شارستانی
7. كاری كرێكاری
8. كاری پاكردنەوەو ڕێكخستن

هەركەس لە خۆی ڕادەبینێت دەتوانێت لە كاتژمێر 9ی بەیانی‌ بۆ 3.00ی پاشنیوەڕۆ لەو بەروارانەی خوارەوە سەردانی ئەو شوێنانە بكات كە دیاریكراوە بە مەبەستی ناو تۆماركردن، فۆڕمی خۆراكی 2017 ، 2018 لەگە پێناسی باری شارستانی ( یان كارتی نیشتمانی) نوسخەی اصلی لەگەڵ خۆی بهێنێت.

شوێن و ڕۆژەكانی سەردانكردن:
– بۆ خەڵكی دەربەندیخان، لە هۆڵی قوتابخانەی كانی ساردی بنەرەتی، تەنیشت هۆڵی شەهید عەبەی دێ فاتە، لە بەرواری 8 و 9 / 10/ 2018.
– بۆ خەلكی سەیدسادق: لە هۆڵی وەلی دێوانە ، تەنیشت ئاسایش، لە بەرواری 8 و 9 / 10/ 2018.
– بۆ خەڵكی شارباژێڕ: لە بینای بەڕێوەبەرایەتی پەروەردەی شارباژێر لە چوارتا، بەرامبەر بنكەی ئاگركوژێنەوە ، لە بەرواری 8 و 9 / 10/ 2018.
– بۆ خەڵكی ڕانیە ، چوارقورنە، حاجی ئاوا: لە بینای بەڕێوەبەرایەتی پەروەردەی رانیە، لە بەرواری 8 و 9 / 10/ 2018.

زانیاری و پێناسی كارەكە:
• كارەكە بۆ ماوەی 60 ڕۆژە .
• هەر ڕۆژێك كاركردن 8 كاتژمێرە.
• ڕۆژانی یەك شه ممە تا پینج شەممە. لە كاتی پێوستیدا ، دەشێت ڕۆژی شەممەش كاربكرێت.
• هاتو چۆو نان خواردن لە ئەستۆی خۆت دەبێت.

بری پارەی ڕۆژانە:
بڕی 40 هەزار دیناره بۆ وەستا و ئەندازیاران.
بڕی 25 هەزار دیناره بۆ كاری كرێكاری و پاكردنەوە و ڕێكخستن.

تێبینی:
• چانسی وەرگرتن بۆ هەردوو ڕەگەزە لە هەمان كاتدا ڕەگەزی مێینە و كەسانی خاوەن پێداویستی تایبەت هاندەدرێن بۆ بەشداری كردن.

• پڕكردنەوەی فۆڕم بە تەنها گارەنتی وەرگرتن ناكات، بەڵكو وەرگرتن بە پێی پێوەری (كەم دەرامەتی)ی‌ دەبێت كە ڕیزبەندیكراوە لە فۆڕمەكەدا.

• ئەو وەستا و ئەندازیارانەی بە پێی پێوەری كەم دەرامەتی ناویان دەردەچێت، چاوپێكەوتنی ڕوبەڕوشیان لەگەڵ ئەنجام دەدرێت بە مەبەستی هەڵبژاردنی شارەزاترینیان.

• ئەو كەسانەی بە پێی پێوەری (كەم دەرامەتی) ناویان بۆ كاری كرێكاری و پاككردنەوە و ڕێكخستن دەردەچێت، پاش ماوەیەك ئاگادار دەكرێنەوە لە كاتی دەست بە كاربون.

ناوی قوتابخانەكانی سنوری پەروەردەی شارباژێڕ، كە كاریان تێدا دەكرێت (سەرسیر، شارباژێڕ، قەڵاچوالان، كانی سارد ، باڵغ).

ئابوری

نرخی زێڕ و دراوەکان

خەڵک – بەشی هەواڵ

 

نرخی زێڕ و دراوەکان بۆ ئەمڕۆ شەممە لەبازاڕەکانی هەرێمی کوردستان بەم جۆرەى خوارەوەیە:

 

نرخی 100 دۆلاری ئەمریكی بەرامبەر 123هەزار و 200 دینارە.

نرخی 100 یۆرۆ بەرامبەر 144 هەزار دینارە.

نرخی 100 پاوەن بەرامبەر 156 هەزار دینارە.

نرخی 100 هەزار تمەن بەرامبەر ٥ هەزار و 750 دینارە.

نرخی 100 لیرەی توركی بەرامبەر 16 هەزار و 500 دینارە.

 

نرخی مسقاڵێک زێڕی عەیارە 18 بەرامبەر 289 هەزار دینارە.

نرخی مسقاڵێک زێڕی عەیارە 21 بەرامبەر 346 هەزار دینارە.

نرخی مسقاڵێک زێڕی عەیارە 24 بەرامبەر 385 هەزار دینارە.

بەردەوام بە لە خوێندنەوە

ئابوری

باندێکی ساختەکاری پارە دەستگیرکرا

 

خەڵک – بەشی هەواڵ

باندێکی ساختەکاری پارە لەڕەواندوز دەستگیرکران، کە لەدەرەوە هاتبوو و دەیانویست پارەى ساختە لەناو بازاڕەکانی هەرێمی کوردستان سافبکەنەوە.

 

حاتم زوبێر بەڕێوەبەری ئاسایشی ڕەواندوز لەکۆنفڕانسێکی ڕۆژنامەوانیدا ڕایگەیاند، باندێکی سێ کەسییان دەستگیرکرد، کە پارەی ساختەیان پێبووە و ویستوویانە ساغیبکەنەوە.

 

ئاماژەى بەئەوەشدا، ئەو پارە ساختانە بەشێوەیەکی زۆر ورد دروستکرابوو، کە زەحمەتبوو پارەکە بناسرێنەوە، بەڵام لەکاتی مامەڵەکردنیان بەپارەکەوە هەستیان پێکراوە، بۆ نمونە بۆ شەربەتێک ١٠٠ دۆلاریان بەشەربەت فرۆشکەداوە.

 

ئەوەشی خستەڕوو، شەو و ڕۆژ لەخزمەتى هاوڵاتییاندان و داوا لەهاوڵاتییانیش دەکات هەر شتێکی گوماناوییان بینی ئاگاداریان بکەنەوە.

 

بەردەوام بە لە خوێندنەوە

ئابوری

نرخی نەوت لە بازاڕەكانی جیهان بەرز بووەوە

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ شەممە، 19ی ئەیلولی 2020، بەشێوەیەك بووە كە نرخی‌ نەوتی برێنت بە 43 دۆلار و 9 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 40 دۆلارو 97 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

کوردستان