ئێمە لە تۆرە کۆمەڵایەتیەکان

ئابوری

گرانی تەماتە هاووڵاتیان ناچار دەكات ڕوو لە دۆشاوی تەماتە بكەن

سلێمانی ـ نزار جەزا

ئەمساڵ سەوزە و میوە بەتایبەت تەماتە نرخەكانیان فڕیوە، بەجۆرێك هاوڵاتیان لەجیاتی تەماتە، دۆشاوی تەماتە لەخواردنەكانیاندا بەكاردەهێنن.

لەبازاڕەكانی شاری سلێمانیدا نرخی سەوزە و میوە بەتایبەتیش تەماتە، كە خواردنێكی سەرەكی هاوڵاتییانە بەگشتی لەبەرزبونەوەدان.

نرخی تەماتە بەراورد بە ساڵی رابردوو زۆر بەرزبووەتەوە

شوكری محەمەد، ژنێكی تەمەن 45 ساڵە، كە بەهۆی بەرزی نرخی تەماتەوە ناتوانێت وەك پێشتر تەماتە بكڕێت، بۆیە ناچارە دۆشاوی تەماتە بەكاربهێنێت.

ناوبراو بۆ (خەڵك) دەڵێت ” نرخی سەوزە و میوە بەرزە و پێویستە حكومەت كارێك بكات نرخەكان داببەزێنێت، لەبەرئەوەی خەڵك لەم قەیرانەدا ناتوانێت بەنمونە كیلۆیەك تەماتە بە دوو هەزار دینار بكڕێت”.

هاوڵاتیان لە بەرزی نرخی تەماتە نیگەرانن

لەسەردانێكی مەیدانیدا پەیامنێری (خەڵك) سەردانی بەشێك لە تەماتە فرۆشەكانی ناو بازاڕی شاری سلێمانی كرد، هەموویان جەختیان لەوەدەكردەوە، لەوەتەی نرخی تەماتە بەرزبۆتەوە فرۆشیان دابەزیوە.

یەكێك لەبەقاڵەكانی بازاڕی بەلەدێكەی شاری سلێمانی بە(خەڵك)ی وت “نرخی تەماتە و سەوزە و میوەكانی دیكە بەنزیكەیی سەدا 50 بۆ 60 بەرزبۆتەوە “.

نزار جەزا پەیامنێری (خەڵك) لەسەر نرخی سەوزە و میوە لەگەڵ فرۆشیاران گفتووگۆ دەكات

سەروەر عومەر، كە 22 ساڵە، كاری بەقاڵی دەكات، باسی لەوەكرد، فرۆشیان كەمی كردووە و هاوڵاتی زۆر ناچار نەبێت، تەماتە ناكڕێت، بەجۆرێك پێشتر نزیكی 500 كیلۆ تەماتەیان دەفرۆشت، بەڵام ئێستا 250 بۆ 300 كیلۆ تەماتە دەفرۆشن”.

بەهۆی ئەوەی دۆشاوی تەماتە لەجێگەی تەماتە لەئامادەكردنی خواردندا بەكاردەهێندرێت، لەئێستادا فرۆشی ئەمیش زیادیكردووە.

ئارام محەمەد، فرۆشیارێكی ماركێتی ئامەدە لە گەڕەكی ئیبراهیم ئەحمەدی شاری سلێمانی بە (خەڵك)ی ڕاگەیاند، لەماوەی پێشتردا كە نرخی تەماتە بەرزبۆوە، فرۆشی دۆشاوی تەماتەش زیادیكردووە.

ئاماژەی بەئەوەشدا، كاتێك شتێك نرخی گران بێت، خەڵك بیردەكاتەوە لەجیاتی ئەوە شتێكی دیكە بەكاربهێنێت، بۆ نمونە كیلۆیەك تەماتە بۆ یەك ژەم خواردن بەكاردێت، بەڵام قتویەكی دۆشاوی تەماتە، كە هەمان نرخی كیلۆ تەماتەكەی هەیە، بەشی زۆر زیاتر دەكات.

دۆشاوی تەماتە دەبێتە جێگرەوەی تەماتە

ئەمساڵ بەهۆی كەمی بەرهەمی نێوخۆی تەماتە و رێگری ئێران لە هەناردەكردنی بۆ هەرێمی كوردستان لە بازاڕەكاندا نرخی بۆ چەند هێندەی ساڵی ڕابردوو بەرز بووەتەوە.

ساڵی رابردوو لەم مانگەدا نرخی كیلۆیەك تەماتە لەدەوروبەری 500 دیناردابوو، بەڵام نرخەكەی 1500 بۆ 2000 دینارە.

ئابوری

خێزانێكی كورد لە كەنەدا 8 ملیۆن دۆلاری بۆدەرچوو

خەڵك- بەشی هەواڵ
خێزانێكی كوردی هەرێمی كوردستان، لە كەنەدا خەڵاتێكی بردەوە، كە بەهاكەی نزیكەی 8 ملیۆن دۆلارە، ئەمەش دوای ڕاكێشانی یانسیبی سەری ساڵی زاینی.

تۆفیق سندی و كوردستان-ی هاوسەری، بڕی 7 ملیۆن و 935 هەزار و 986 دۆلاری ئەمریكییان بەردەوە.

ئەو ژن و مێردە و منداڵەكانیان لە شاری (كشیز)ی كەنەدی دەژین و لە شارەكەدا فڕنێكی بچوكیان داناوە و كاری تێدا دەكەن.

سندی بە ماڵپەڕی (گۆڵۆباڵ نیوز)ی كەنەدی ڕایگەیاندووە، “كاتێك زانیمان بلیتەكەمان (خەڵاتە گەورەكە)ی بردۆتەوە، خۆشی و شادییەكی گەورە دایگرتین”.

ئەو ژن و مێردە، بەنیازن بە خەڵاتە داراییەكەیان، قەرزە حكومییە كەڵەكەبووەكانی سەر خێزانەكەیان بدەنەوە و دەیانەوێت سەردانی هەرێمی كوردستانیش بكەن لەگەڵ منداڵەكانیان لەم ساڵدا، وێڕای كڕینی ئۆتۆمبێلی نوێ‌، كە پلانیان بۆ داڕشتووە.

كوردستان دەڵێت”خەڵاتەكە دیارییەكی مەزنە بەبۆنەی سەری ساڵەوە، ماوەیەكی زۆرە سەردانی نیشتمانمان نەكردووە، بۆیە سەردانی كوردستان لەگەڵ منداڵەكان لەم ساڵدا،بەشێكە لە بەرنامەی ئەمساڵمان”.

بەردەوام بە لە خوێندنەوە

ئابوری

نرخی دراوەكان لە بازاڕەكانی هەرێمی كوردستان

خەڵك- بەشی هەواڵ

ئاكام عەبدوڵڵا، خاوەنی نوسینگەی سروشتی چنگیان لە شاری سلێمانی بە (خەڵك) ی ڕاگەیاند، ئەمڕۆ چوار شەممە نرخی دراوەكان لە بازاڕەكانی هەرێمی كوردستان بەمشێوەیەیە:

100 دۆلار 120 هەزار دینارە.
100 یۆرۆ 136 هەزار و 500 دینارە.
100 پاوەن 152 هەزار دینارە.
100 لیرە 23 هەزار دینارە.
100 هەزار تمەن 12 هەزار دینارە.

بەردەوام بە لە خوێندنەوە

ئابوری

سبەینێ‌ مووچەی 13 وەزارەت و دامەزراوە دابەش دەكرێت

خەڵك – بەشی هەواڵ
گەنجینەی سلێمانی ڕایدەگەیەنێت، سبەینێ‌ مووچەی 13 وەزارەت و دامەزراوەی سەر بە حكومەتی هەرێم مووچەی مانگی ئەیلول وەردەگرن.

سەرچاوەیەك لە گەنجینەی سلێمانی بۆ (خەڵك) وتی، “سبەینێ‌ چوار شەممە مووچەی مانگی ئەیلولی وەزارەتەكانی شارەوانی و گەشتوگوزار، گواستنەوە و گەیاندن، كارەبا، پلاندانان، كشتوكاڵ و ئاودێری دابەش دەكرێت”.

ئاشكراشی كرد، هەر سبەینێ‌ مووچەی دەزگای مین، دیوانی چاودێری دارایی، مافی مرۆڤ، ناوچە كوردستانیەكانی دەرەوەی هەرێم، ژینگە، دەستەی وەبەرهێنان، دەستەی دەستپاكی و كۆمسیۆنی هەڵبژاردن خەرج دەكرێت.

مانگانە لە 5ی هەموو مانگێكەوە دابەشكردنی مووچە بە وەزارەتی پێشمەرگە دەستپێدەكات و بە دابەشكردنی مووچەی خانەنشینان كۆتایی دێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 85%, 34
    34 85%
    34 - 85% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین