بەپێی ڕاپۆرتە كەشناسییەكان، كەشوهەوای هەرێم سەقامگیر دەبێت بەهۆی كاریگەری بەرزە پاڵەپەستیەكی هەوا، بەڵام ڕەشەبایەكی سارد و وشك ناوچەكان دەگرێتەوە.
ئاراس جەبار، شارەزای كەشناسی بۆ (خەڵك) ئامژاەی بەوەكرد، لە سبەینێ پێنج شەممەوە ١٥-١٢-٢٠٢٢ تا کۆتایی ھەفتەی ئایندە ٢٢-١٢-٢٠٢٢ لەم ماوەیەدا بەھۆی چالاکبوونەوەی کاریگەری بەرزە پاڵەپەستۆیەکی ھەوا بەسەر دەریای ناوەڕاست و باکووری ناوچەکەدا کەش بەشێوەیەکی گشتی سەقامگیر ئەبێت و ئاسمانی ناوچەکەش بەزۆری لەو ماوەیەدا ساماڵ و پەڵە ھەوری کەمی ئەبێت.
ڕاشیگەیاند، بەھۆی کاریگەری ئەم بەرزە پاڵەپەستۆیەوە لە بەرەبەیانی ڕۆژی شەممە ١٧-١٢ تا پێش نیوەڕۆی ڕۆژی دوو شەممە ١٩-١٢ ئەگەری چالاکبوونەوەی ئاڕاستە بای باکووری ڕۆژھەڵات ھەیە لەناوچەکانی پارێزگای سلێمانی و ئیدارەی راپەرین و ناوچە شاخاویەکانی ڕۆژھەڵاتی پارێزگای ھەولێر بەخێرایی ١٥کم تا ھەندێک کات بۆ ٤٠ کم لە كاتژمێرێكدا، کە خۆی لەبایەکی وشک و سارد دا ئەبینێتەوە.
وتیشی، “بەگوێرەی دواین گۆرانکارییەکان ئەگەر ھەیە لە نێوان ٢٢ بۆ ٢٥ ی مانگ شەپۆلێکی بارانبارین ھەرێمی کوردستان و ناوچەکە بگرێتەوە”.
