سبەینێ سێشەممە ئەنجومەنی نوێنەرانی عێراق کۆدەبێتەوە و لە بەشێکی کۆبوونەوەکەدا خوێندنەوەی یەکەم بۆ پرۆژە هەمواری یاسای ئەنجومەنی نوێنەرانی عێراق دەکرێت.
بەپێی بەرنامەی کار، کۆبوونەوەکە کاتژمێر ١:٠٠ پاشنیوەڕۆ دەستپێدەکات، لە بڕگەی یەکەمدا دەنگ لەسەر سەرۆکی داواکاری گشتی و سەرۆکی دەستەی راوێژکاری دادوەری دەدرێت، لە بڕگەی دووەمدا دەنگ لەسەر هەمواری مافی پەنابەرێتی بۆ هاوڵاتییانی بیانی دەدرێت.
هاوکات بڕیارە لە بڕگەی کۆتایی کۆبوونەوەکەدا خوێندنەوەی یەکەم بۆ پێشنیازی هەمواری یاسای کۆمسیۆنی باڵای سەربەخۆیی هەڵبژاردنەکان لە عێراق بکرێت.
