تیمەکانی بەرگری شارستانی هەولێر ئەو ئاگرەیان کۆنترۆڵ کرد کە لە چێشتخانەیەکی شارەکە کەوتەوە و تەقینی تەنکیەکی نەوتیش لە کەلار سووتانی ماڵێکی لێکەوتەوە .
پێشنیوەڕۆی ئەمڕۆ چوارشەممە، ئاگرێکی گەورە لە چێشتخانەیەکی هەولێر کەوتەوە و دواتر لە لایەن تیمەکانی بەرگری شارستانی هەولێرەوە کۆنترۆڵ کرا.
بە پێی زانیارییە سەرەتاییەکان، بۆیلەرێك بووەتە هۆی سووتانی چێشتخانەکە.
لە لایەکی دیکەشەوە ماڵێك بە هۆی تەقینی تەنکی نەوتەوە گڕی گرت و ڕووداوەکە زیانی ماددی لێکەوتەوە.
