بەڕێوەبەرایەتی نەوت و كانزاكانی سلێمانی ڕایدەگەیەنێت، دابەشكردنی نەوت بەردەوامە و سبەینێ لە چەند ناوچەیەكی سنووری سلێمانی دابەش دەكرێت.
سەرچاوەیەك لە بەڕێوەبەرایەتی نەوت و كانزاكانی سلێمانی بۆ (خەڵك) ڕایگەیاند، پڕۆسەی نەوت دابەشكردن لە قەزا و ناحییەكانی دەورووبەری سلێمانی بەردەوامە و سبەینێ پێنج شەممە لە (بازیان و سورداش و خەلەكان و خدران و بنگرد) دابەش دەكرێت.
ڕاشیگەیاند، ئەگەر بەو جۆرەی ئێستا دابین كردنی نەوت بەردەوام بێت، ئەوا پڕۆسەكە بەخێرایی دەڕوات بەڕێوە.
وتیشی، “بە ئەگەڕێكی زۆرەوە لە هەفتەی داهاتوودا نەوت دەگاتە ناو شاری سلێمانی و هەر ماڵێك بەرمیلێك نەوتی 200 لیتری بە 104 هەزار دینار پێ دەدرێت”.
