دوای هەشت ساڵ جارێکی دیکە بەنداوی دەربەندیخان سەرڕێژی کرد و بەڕێوەبەرایەتی بەنداوەکەش دەڵێت: ” دەربەندیخان دوای 63 ساڵ تەمەن هێشتا جێگەی ئومێد و دڵنیاییە و دەتوانێت وەک پێش بوومەلەرزەکە بەرگەی لافاو و شەپۆلەکان بگرێت”.
بەڕێوەبەرایەتی بەنداوی دەربەندیخان ڕایگەیاند، ئەمڕۆ دوای تێپەڕبوونی هەشت ساڵ، جارێکی تر بەنداوی دەربەندیخان سەرڕێژ بوو و “سوپاس بۆخوای گەورە شانازییەک و ئۆمێدێکی تری گەورە خستەوە سەر خەرمانی شانازییەکانی ڕابردوویی و تۆماری 3ملیارمەتر سێجا ئاوی کۆکراوەی تێپەڕاند و ئاستی ئاو لەبەنداوەکەدا ژمارەکانی پاش 485 مەتری لەسەرئاستی ڕووی دەریاوە تۆمارکردو سەڕێژی کرد”.
لە ڕاگەیەندراوەکەدا هاتووە: “ئەمڕۆ بو بەڕۆژە زێڕینەکان لەئەرشیف و ئەلبومی یادەوەری تەمەنی پڕ خێرو بەرەکەتی بەنداوەکە”.
بەڕێوەبەرایەتی بەنداوی دەربەندیخان ڕاشیگەیاند “ئەوەی ئەم سەرڕێژبوونەی ئەمجارە لە ڕابردوو جیادەکاتەوە خۆڕاگری و تەسلیم نەبوونێتی بەداڕوخان لەبەرامبەر بوومەلەرزەکەی ساڵی 2017 کەبەگوڕی 7.3 پلەی ڕێختەر بوو و زیانێکی گەورەی بە لەشی بەنداوەکە گەیاند”.
ڕوونیشیکردەوە کە توانرا زیانەکانی بەنداوەکە چاکبکرێنەوە و “جارێکی تر ئومێدی پێ بەخشینەوە کە بەنداوی دەربەندیخان دوای 63 ساڵ تەمەن هێشتا جێگەی ئومێد و دڵنیاییە و دەتوانێت وەک پێش بوومەلەرزەکە بەرگەی لافاو و شەپۆلەکان بگرێت کە ڕووی تێدەکەن”.
بەڕێوەبەرایەتی بەنداوی دەربەندیخان دەڵێت: “بەو هیوای هەموو ساڵێک دڵخۆشمان بکات بە سەرڕێژبوون و سوپاس بۆخوای گەورەش کە بارانی پڕ لە خێر و خۆشی داباراند”.
