فەرمانی دامەزراندن بۆ ٧٤ دەرچووی زانكۆ لەسەر میلاكی وەزارەتی كار و كاروباری كۆمەڵایەتی هەرێم دەرچوو.
بەڕێوەبەرایەتیی گشتی چاودێری و گەشەپێدانی کۆمەڵایەتی سلێمانی ڕایگەیاند، دامەزراندنەكە بەدەر لەوەی خزمەتێکی گەورە بە منداڵانی خاوەن پێداویستی تایبەت لە پەیمانگاکانی شیاندنەوەی کەمئەندامان و سەنتەرەکانی تووشبووانی ئۆتیزم دەکات، ڕەخساندنی هەلی کاریشە بۆ ژمارەیەك لە دەرچووانی بەشە جیاوازەکانی زانکۆکان، کە لە ڕێگەی پڕکردنەوەی فۆڕم، خاڵبەندی و ڕەخساندنی هەلی چونیەکەوە دامەزراون..
بەڕێوەبەرایەتییەکە ئاگاداری ئەو كەسانە دەكاتەوە كە لە سنووری بەڕێوەبەرایەتییان ناویان گەڕاوەتەوە، ڕۆژی یەكشەممە ١٥ی تشرینی یەكەم سەردانی بەشی یاسای بەڕێوەبەرایەتییەكەیان بكەن بە مەبەستی ڕاییکردنی مامەڵەکان و دەستبەکاربوونیان.
بۆ خوێندنەوەی ناوی دامەزراون کلیک لێرە بکەhttps://socialsuli.com/News.aspx?id=3175&MapID=1
