بەڕێوەبەرایەتی پۆلیسی پارێزگای سلێمانی ڕایگەیاند، لەسەر سكاڵای چەند هاووڵاتییەك تۆمەتبارێك دەستگیركرا، فێڵی لە چەند هاووڵاتییەک کردووە و پارەی لێوەرگرتوون.
لە ڕاگەیەندراوەکەدا ئەوەش هاتووە، پاش ئەوەی چەند هاوڵاتییەك سكاڵایان تۆماركردووە کە بەشێوەی جۆراوجۆر فێڵیان لێكراوە و پارەیان لێسەندراوە، هێزەكانی پۆلیس لێكۆڵینەوە و بە دواداچوونەكانیان دەستپێكرد، دوای وەرگرتنی بڕیاری دادوەر توانرا تۆمەتبار لەلایەن بنكەی پۆلیسی ئەزمەڕەوە بدۆزرێتەوەو دەستگیربكرێت .
بەڕێوەبەرایەتی پۆلیسی پارێزگای سلێمانی ئاماژەی بەوەشکرد، تۆمەتبار ( ر، أ، م لە دایكبووی ١٩٩٥) بە بڕیاری دادوەر و بەپێی ماددەی ٤٥٦ لە یاسای سزادانی عیراقی ڕاگیراوە، لە كاتی لێكۆڵینەوەكانیشدا دەركەوتووە، بەشێوەی جۆراوجۆر فێڵی لە چەند كەسێك كردووە و بەناوی هاوسەرگیریشەوە ژنێكی هەڵخەڵەتاندووە و پارەی لێوەرگرتووە .
